أصول نق النسوان من الألف إلى الياء

أصول نق النسوان من الألف إلى الياء



الألف: أنا بدي مصاري عندي عزيمة
الباء : بكرا لازم توصلني لبيت أهلي عندهم حفلة
التاء : ترى اليوم أنا مالي مساوية عشا جيب معك أكل جاهز
الثاء : ثلاث أسابيع ما طلعنا تمشينا يالله اليوم اعمل حسابك تطالعنا
الجيم: جيرانا ركبوا اليوم دش معقول نحنا ما يكون عنا
الحاء : حبيبى..بدى غير ساعتي ,مليت من ساعتى الأوميغا
الخاء : خبر الشله اليوم انك مالك جاي ..أنا عازمتك نتعشى بره, بس على حسابك
الدال : دور لنا على فيلا على 3 شوارع شو يعني بيت أخوك أحسن مننا
الذال : ذيك السنة (قبل 10 سنوات) قلت لك اشتر لنا سيارة فان أوسع وما شريت
الراء : روح قدم على إجازة و خلنا نسافر عا البحر ,, شوووب
الزيين : زيد مصروف البيت يعني يا دوب عم يكفي
السين :سجاد البيت صار قديم .....غيره يا أخي السجاد ما كمل سنتين
الشين : شيل الولد مالك شايف انو عم يبكي ,أنا تعبت من الأولاد
الصاد : صف كندرتك محلها وعلق ملابسك مكانهم,مليت وأنا القط وراك
الضاد :ضاع عمري وأنا بتعب معك ليش شفت منك يوم خير
الطاء : طالع ها الغسيل وانشرو مشان ما يروح علي المسلسل
الظاء:ظاهرتك انك ما تحبنى.. في مرة طلبت منك طلب ولبيتلي ياه (الله اعلم شو مخبية طلب)
العين:عيوني..اليوم حكت أختك معي عالتلفون يالطيف على هالنفسية ...
الغين: غير يا أخي ها المواضيع حسسني انو بتحبني شوي
الفاء : فهمت عليك ما تكمل (تقطعلو كلامه مشان تحكي شغلة برأسها )
القاف : قدر يا أخي شوي...كل شغل البيت على راسي...
الكاف: كم مرة قلت لك انو أمك ما بتحبني
اللام : ليش اهلك عزموا بيت أخوك وما عزمونا ؟؟
الميم : معقول البس نفس الفستان على الحفلتين
النون : نسيت انو بكرة عيد ميلاد بنت أختي
الهاء :هيك رح تضل؟ترى بروح لبيت أهلي!
الواو : ولدت أختي شو بدك تهديهم
الياء : يالله ايدك على 5000ليرة حلاوة الصلحة..لأنك زعلتني وكسرت خاطري





وعلى فكرة انا نزلت هل الموضوع خصوصي لفرجيكن انو البنات حياديات وبقولو لي الن ولي علين مامتل بعض جماعات
«1

التعليقات

  • تم تعديل 2009/02/23
    ههههههههههههههههههههههههههههه
    ههههههههههههههههههههههه
    طول عمركم نقاقين
    مو جديدة عليكم
  • تم تعديل 2009/02/23
    الله يسامحك نحنا طول عمرنا نقاقين ، نحنا بنق بسبب تقصيركن .

    وشكرا ياصوفي أثبتيلن اننا حياديات وبنعترف بيلي النا وعلينا
  • محمد حلبيةمحمد حلبية عضو ماسي
    تم تعديل 2009/02/23
    هههههههههههههه شكرا سوفي و الله يعين الرجال على نقكن
  • تم تعديل 2009/02/23
    له له له يا صوفي خيبتيلي أملي...
    لا والله عم امزح وما رح كذب أو دافع عن جد نحنا نقاقات شوي.....بس شوي مو كتير

    talla
  • تم تعديل 2009/02/23
    نور الموضوع بردودكن جميعا

    بس ياجماعة عقولة ريمي لو مابقصرو الرجال البنات ما بتنئ
  • تم تعديل 2009/02/24
    ههههههههههههههه
    ضربة حلوة كتير منك ياصوفي
    والله انا معك مية بالمية بس متل ما قالت طلة نقاقات شوي موكتيير
    وفي البعض حتى علي بنقو
    بس يللا شو بدي ساوي
    أنا بالي طويل والا كنت انفجرت من زمان
  • تم تعديل 2009/02/24
    [align=center]ضربة قوية فعلا يا غلاكسي للنسوان بس الغريب انو اللي حط الموضوع بنت هههههههههههههههههههه

    عجبتيني صوفي الله محييكي ............. الله محيي الأصيل

    نق نق نق نق نق نق نق نق نق نق نق نق نق
    [/align]
  • Dr.AhmadDr.Ahmad مدير عام
    تم تعديل 2009/02/25
    من زماااااااااااااااااااااااااااااااااااان ما شفنا مواضيع منصفة و الحمد لله انو ما كانت منا يسلموا صوفي بدنا نضمك للحلف بهالحالة شو رأيك !؟!؟!؟
    بعدين انتو ما بتنئوا من تقصير الرجال و انما لانو النق بدمكم مزبوط و لا لا ؟؟!!؟!؟!؟!؟

    [align=center]
    ( الطبع غلب التطبع )
    [/align]
  • a.kannouta.kannout عضو ماسي
    تم تعديل 2009/02/25
    مشكورة صوفي(الانتحارية)الله يعينك على البنات...هاد هو النقد الذاتي البناء يلي لازم كل واحد يتحلى فيه....فصوفي(الانتحارية) تجاوزت مسألة الأنوثة إلى مستوى الاحترافية عندما تكلمت عن ظاهرة متفشية بكثرة وبنسبة لاتقل عن 100000000%...بالنسبة للنأ فهو من مقومات الحياة الزوجية وخاصة بعد اليوم الأول من الزواج !!!!
    الله يعين الرجال على نأ النسوان.....أكرر لصوفي الدعوة لحلفنا :إذا بدك تسجلي فيه أعلمينا فقط مع العلم أن حلفنا يستقبل كل المطرودين من الأحلاف الأخرى-طبعاً لأني البنات متزاولين منك كتير
    "وعلى فكرة انا نزلت هل الموضوع خصوصي لفرجيكن انو البنات حياديات وبقولو لي الن ولي علين مامتل بعض جماعات":::من هن هدول الجماعات حدا بعرفون ياجماعة لحتى كسر راسون
  • تم تعديل 2009/02/25
    أوكي أوكي خلص من مشان موضوع صوفي الانتحارية مافي أي مشكلة حسب ماني شايف تنضمي لحلفنا القوي

    حلفنا بيقدملك ميزات كتير كبيرة وحلوة وغير متواجدة بحلف البنات ورح عدلك جزء صغير منها :

    1- الحماية من شورو النسوان عندما تتفشى عمليات شد الشعر وتصبح ظاهرة مميتة

    2- تخفيف ضغوط العمل إذا اشتغلتي عند شي شركة يديرها رجل ( خلص منساويك مشرفة ع أحد اقسام حلفنا واقعدي ولا تشتغلي وبيني وبينك إذا بتلعبي شدة رح تكيفي )

    3- تمكينك من الوصول لأي مكان تريدينه باسرع وقت ممكن ومن غير عوائق باعتبارك شريك

    4- تخرجين من بوتقة الأشخاص النقاقين ( النسوان)

    5- تتمكنيني من صناعة القار ع كل النسوان التانيين !!

    6- إلك صلاحية تطلعي لوين مابدك ومن غير محدا يسالك وين رايحة ( نحنا منقدمك الدعم الفني والتقني )

    7- محدا بنكشك وبيقلك ليش هيك عم تعملي


    هههههههههههههههههههههههههههههه مشكورة كتير صوفي
  • تم تعديل 2009/02/25
    اي موافقة انضملكن ابعتلكن الc.v تبعي عالسريع كفو انا (مااحلاني والله ومضمومة لحلفكن ههههههههه)

    يا جماعة شو القصة حاسستكن شئرئتو ليش بنت نزلت موضوع عن البنات بس اول شي هادا واقع البنات بنئو شوي ماكتير وتاني شي ماحدا فكر يدافع ولو بكلمة وحدة بالعكس كلكن عجبتكن الفكرة له له له
    بعدين تفرجو عالروح الرياضية تبع هل الصبايا الحلوات اما مانزل موضوع عالشباب والله ليئومو عليي وما اخلص منن ولو كان حكيي مية بالمية مزبوط بس متل ماقال احمد الطبع غلب التطبع يعني مابيعترفو ودوم نحنا لي ظالمينن

    اما بالنسبة لاسبرين الانتحاري واذا لساتو على كلامو انا بدلو عالجماعات ولا يهمو بس لازم وقتا يغيرو اسم المنتدى
    ويسمو المنتدى العيادة السورية (للبنات فقط )

    والسلام عليكم
  • تم تعديل 2009/02/26
    انواااااااااع نق الشبااااااااااب.....من أ حتى ي

    الالف :اعمليلنا طبخة كبة من تحت دياتك

    الباء :بترك البيت وبمشي مو فارق معي شي هااا

    التاء :تعي شوفي ابنك شو عمل

    الثاء :ثالث مرة بقلك انو ما بحب الفاصوليا (ولا مرة حكا هالشي )

    الجيم :جاية بعد كل اللي صار ..وتتمة القصة

    الحاء :حاج تقليلي بترك البيت وبمشي اعملي اللي يريحك واعرفي لو طلعتي من البيت ما رح اجي رجعك

    الخاء :خدي ابنك عم يبكي

    دال :دوري على غير هالطريقة تحكي معي فيها

    ذال :ذلني ابوكي مفكره أنا بورجيكي انتي وابوكي

    راء :روحي عند أمي وساعديها بالتعزيل

    زاي :زرتي اختي متل ما قلتلك

    سين : سكتي شوي خلينا نسمع الاخبار

    شين :شو صايرلك اليوم ما مسحتي الغبرة

    صاد :صديتلي نفسي عند هالمسا

    ضاد :ضربتي الولد ! والله ما بعرف مين اللي بدو ضرب

    طاء:طالع خلقي وروحي براس منخيري

    ظاء :ظريف الحكي ... روحه مع رفقاتك ما في !

    عين :عيوني بكرا جاية امي واخواتي اعملينا اكل طيب من تحت اديك

    غين :غير ما تعتزرلي أمك ماني قبلان ..

    فاء :فايقة وراااايقة ... مو وقتك هلاء انا مضايق

    قاف :قدري اني كل يوم بطلع من الصبح وبشتغل متل ال ................

    كاف :كم مرة قلتلك لا ترتبيلي مكتبي كل الاوراق ضاعت !

    لام :ليش مو مرتبه المكتب شوفي كأنو مليون عفريت داخل عليه

    ميم :ما بتفكري غير بحالك

    نون :نسيتي كم فستان اشتريتي من وقت ما تزوجتك لحد هلأ

    هاء :ها ما في اهون من كلمه طالق .. اعقلي يا مرا

    واو:وجعتيلي راسي رح ينفجر ...

    ياء:يا حيف نحنا ما عنا رجال تخاف من نسوانهون


    يلا يا بنات ضموني لحلفكم
  • a.kannouta.kannout عضو ماسي
    تم تعديل 2009/02/26
    وهي السيد ريان عكس الروح الرياضية يلي بيتمتعوا فيها الشباب مشان ما يصير في حكي عن روحنا الرياضية
  • تم تعديل 2009/02/26
    [align=center]الله عليك يا ريان يا أبو روح رياضة تسلم يا غالي تسلم
    [/align]
  • تم تعديل 2009/02/27
    مشكور lover_aspirant ع المرور الرائع
    ونحن الشباب من يوم يومنا روحنا رياضية
  • Dr.AhmadDr.Ahmad مدير عام
    تم تعديل 2009/02/27
    اهه شايفين عالروح الرياضية وقت بقول انو الطبع غلب التطبع يعني كلامي انو الشباب روحن رياضية و ما بنقوا ( غير شوي ) أما البنات ............... فكمان روحي رياضية بس بنقوا ( كثير )

    صوفي : ال سي .في وصلت و نحن هلق عم ندرس الميزات بس بدك تطولي بالك يعني بتعرفي الدوائر المعاملة فيها بتاكل ان شاء الله مو أكثر من خمس سنين يعني مع المتابعة الحثيثة و هي على فكرة طلبك محطوط فوق الطاولة مو تحت الطاولة
  • تم تعديل 2009/02/27
    ياااااااااااا حراااااااااام ياااااااااااا شبااااااااااااب
    طلعلكن واحد منكن روحو رياضية
    خلص ريان والله اعترافاتك بتسوى الدنيا وما فيها ونحنا قبلنا انضمامك لحلفنا بكل رحابة صدر
    وليش خجلان كل هالأد وما بتقول إنو بدك تنضم لإلنا من زمان ولو نحنا منشيلك بعيونا!!!
    يا بنات ما بصير هيك نمرقها....لازم نحتفل بانضمام هالعضو المميز اللي كيف طلع من بين هالشباب واعترف ما بعرف
    ههههههههههههه عم امزح هه ما حدا يزعل ولا ريان

    talla
  • a.kannouta.kannout عضو ماسي
    تم تعديل 2009/02/27
    ريان ما بدوا يطلع من حلفنا فيا طلة حاجة تشوقي للدخول بحلفكون
    ولا لايكون ما عاد عندكم حدا منتسب للحلف مشان هيك حاطين عينكون على الشباب؟؟؟؟يلا إذا هيك معليش أخ ريان
    روح لعندون مشان ما يبكو مو مشان شي غيرو
  • تم تعديل 2009/02/27
    ريان انتي بتشرفنا ميت اهلا وسهلا منحطك مدير بحلفنا كمان


    وفعلا هل الاعترافات بتسوى الدنيا ومافيا

    بحييك كتير كتير
  • تم تعديل 2009/02/27
    ونسيت شغلة
    نحنا منستئبلك بدون c.v لان الاسباتات شايفينا فوق بعيونا
    واهلا وسهلا فيك
  • تم تعديل 2009/02/28
    الحقيقة أنا إلي الشرف
    مشكورة صوفي _طلة ع الردود الرائع


    بس ماحدا شرحلي عن الأمتيازات اللي بتقدموها
  • Dr.AhmadDr.Ahmad مدير عام
    تم تعديل 2009/02/28
    rayan كتب: »
    بس ماحدا شرحلي عن الأمتيازات اللي بتقدموها

    هذا الحكي اللي بيجي منو بالفحص :226: :107: :15: :247: :58:
  • تم تعديل 2009/02/28
    نحنا ما شرحنالك مشان ما تتهافت علينا الطلبات لان بصير الكل بدو ينضملنا
  • تم تعديل 2009/02/28
    [align=center]ريان بدك تنضمن من حلف الشباب لحلف البنات

    أخص عليك ياريان شو ما كانت ميزاتون أكيد مو متل ميزاتنا

    ههههههههههههههههههههههههههههههههههههههههه
    [/align]
  • تم تعديل 2009/03/01
    الحقيقة احترت بأمري
    أفضل شي رح أدخل بحلف تالت
    أسمو حلف ريان
  • تم تعديل 2009/03/01
    حلف ريان شو هالحلف وشو مميزاتوا احكي عنو شوي ريان
  • تم تعديل 2009/03/01
    ريان انا معك شو ما كان الحلف حتى بدون ميزات
    بس بالنسبة للموضوع سوفي
    ؟؟؟؟؟؟؟؟؟؟؟ حتى لو نقاقات ما فينا نعيش بلاهن
  • تم تعديل 2009/03/02
    مشكور شبل الاسد هي الصداقة الحقيقية
    ياهيك الأصدقاء يابلا ههههههههههههه
    أنا لازمني أعضاء متل شبل الاسد بتنضم حتى بدون ماتسأل ع مزايا
    ههههههههه
    مشكورين
  • تم تعديل 2009/03/02
    [align=center]الله يسامحك ياريان ماعندك أي تفكير استراتيجي

    شو نحنا عم نلعب مع ولاد صغار هههههههههههههه
    [/align]
  • تم تعديل 2009/03/02
    ييييييييييييييييييييييي شو صاير بغيابي؟؟؟
    غبتلي يوم رجعت لقيت الدنيا قايمة وقاعدة والأحلاف مشتغلة
    يااااااااااااا جمااااااااااعة أنا لساني عند رأيي.....حلف البنات ما في منو واللي ما بينضم راحت عليه
    هههههههههههههه

    talla