كرسي الاعتراااااااف

1246723

التعليقات

  • تم تعديل 2009/02/16
    لا تزعل لوفر ولا تعتزل الاسئلة هاي انا شاركتك
    عموما اذا خلصو الاسئلة تجاوزا ممكن نحط حدا تاني غير ريمي
  • Dr.AhmadDr.Ahmad مدير عام
    تم تعديل 2009/02/17
    ريمي انا متابع و بودي اسأل بس خاف طول عليكي

    لذلك رح اكتفي بشوي :
    - كيفك الان ؟ و اديش الساعة هلق ؟
    - شو أهم شي بحياتك ؟ يعني الشي اللي ممكن تتركي كثير امور مشانو ؟؟؟؟؟؟؟؟؟؟؟؟؟؟؟؟؟؟؟
  • تم تعديل 2009/02/17
    سألني قد مابدك بتمون وعقلبي أحلى من العسل ، الساعة هلق 2:30 الضهر، أما كيفني الآن فالحمدلله تعبانة شوي

    في كتير أشياء مهمة بحياتي أهمها امي أنا مستعدة مشان امي اترك روحي .

    شكرا لأسئلتك يادكتورنا الغالي والعظيم
  • تم تعديل 2009/02/17
    طيب طيب إذا هيك بيكون اليوم آخر يوم إلك ريمي عل الكرسي ومنتشكرك كتير عل الإجابات الصريحة

    ومن بكرة رح تقعد صوفي عل الكرسي ولى شو رايك صوفي رح تتهربي منو ولى بتقعدي
  • تم تعديل 2009/02/17
    بقعد مامشكلة
    بس لوقعدت مين رح يسأل ؟؟؟
    ماحدا عم يسأل يا لوفر

    بعدين شغلة تاني اذا المشرفة اعدت اسبوع انا لازم يومين
    واذا اعد شي حدا من الادارة لازم يئعد شي 10 ايام مشان العدل يعني
  • تم تعديل 2009/02/18
    طيب ياصوفي أنا رح اسألك:

    1- ممكن تعطي ثقتك الكاملة لرجل؟

    2- بتظني انو الإنترنت والمنتديات ممكن تعطي صديق حقيقي؟

    3- وقت تشعري بالوحدة والحزن شو بتعملي؟

    4- أي أهم عندك القلب ، ولا العقل؟
  • تم تعديل 2009/02/18
    أيوا يا صوفي كمان صار دورك بالقعدة ومين قلك محدا رح يسأل ههههههههههه

    بعدين أي عدل هاد شو يومين ما يومين بدك تقعدي أسبوع كامل هههههههه

    طيب نبدا بالأسئلة :

    1- قديش بتقعدي باليوم عل النت ؟؟؟

    2- في أي شخص بحياتك شجعك على أمر ما وفشل هاد الأمر ( شو هو الأمر )؟؟؟؟؟

    3- من ايمت بتشتغلي عل النت وشو خبراتك فيه

    4- شو أكتر شغلة بتطمحي إلها وعندك رغبة توصليلها ؟؟؟
  • تم تعديل 2009/02/18
    ريمي كتب: »
    طيب ياصوفي أنا رح اسألك:
    اهلا ريمي
    1- ممكن تعطي ثقتك الكاملة لرجل؟
    بعطي ثقتي اكيد بس بحدود لان كل شي بهل الدنيا لازمو حدود
    2- بتظني انو الإنترنت والمنتديات ممكن تعطي صديق حقيقي؟
    مابتخيل لان انتي عم تتعاملي مع ناس من ورا شاشة يعني لا شايفة ردود فعلن الحقيقية ولا تعابيرن بس بتعطي اصدقاء واخوة اعزاء اكيد متلكن

    3- وقت تشعري بالوحدة والحزن شو بتعملي؟ يصلي وبقرا قران , ببكي وكتير ايام بحكي لماما او بتصل بجودي

    4- أي أهم عندك القلب ، ولا العقل؟

    مممممممممم تنيتاتن بس عاللأغلب القلب
  • تم تعديل 2009/02/18
    lover كتب: »
    أيوا يا صوفي كمان صار دورك بالقعدة ومين قلك محدا رح يسأل ههههههههههه

    بعدين أي عدل هاد شو يومين ما يومين بدك تقعدي أسبوع كامل هههههههه

    طيب نبدا بالأسئلة :

    1- قديش بتقعدي باليوم عل النت ؟؟؟

    ساعة او ساعتين

    2- في أي شخص بحياتك شجعك على أمر ما وفشل هاد الأمر ( شو هو الأمر )؟؟؟؟؟

    والله سؤالك بحير هوي اكيد في بس بهل اللحظة والله ماني متذكرة بس اتذكر بقلك

    3- من ايمت بتشتغلي عل النت وشو خبراتك فيه

    من هديك السنة من وقت ماصرت بالجامعة والله خبراتي على ئدي عفكرة انا ماكتير بحبو بس اضطريت مشان الدراسة كنت بالمدرسة فوت بالشهر مرة

    4- شو أكتر شغلة بتطمحي إلها وعندك رغبة توصليلها ؟؟؟
    اني كون ناجحة بدراستي كون مرضيي لاهلي واتخرج واشتغل انشاء الله
    \

    والسلام عليكم
  • Dr.AhmadDr.Ahmad مدير عام
    تم تعديل 2009/02/19
    يالله يالله مين على الكرسي اليوم ؟؟؟؟؟؟؟؟ هه أهلا دكتورة صوفي زمااااااااااااااان و انا عم قول لحالي اول ما فتت على غرفة التحقيق منورة : يالله لنبلش بس متل العادة ما بحب كثر

    - اول شي كيف عرفتي المنتدى ؟؟ و شو رأيك فيه ؟
    - بدي منك صفة ايجابية و صفة سلبية لكل عضو بشكل خاص ( كل عضو باسمو ) بدون ماحدا يزعل و بجد ؟
    - شو هي اهتماماتك ؟
    - وقت الفراغ شو بتساوي ؟
    - أي الدراستين أحلى الجامعية و لا قبل الجامعية و ليش ؟
    - شو نصيب مساعدة الاهل من وقتك ؟

    ان شاء الله اذا خطر شي تاني برجع ................... لا تخافي سب مارح كثر (^_^)
  • تم تعديل 2009/02/19
    شو اكتر شغلة حلوة صارت بحياتك

    شو اهم شغلة لساتك تحتفظي بيها

    شو اكتر شي يعجبك بالشباب

    شو احلى اغنية عندك
  • تم تعديل 2009/02/19
    صوفي شو هي أكتر شغلة بتحبيها بحياتك؟؟؟؟؟؟

    ايمت آخر مرة زعلت فيها من أهلك وليش؟؟؟؟؟؟

    طيب كيف بتنظري للشباب يلي بيوقفوا ع بواب المدارس؟؟؟؟

    شو أكتر شغلة عجبتك بالمنتدى؟؟؟؟؟؟؟
  • تم تعديل 2009/02/19
    ahmad admin كتب: »
    يالله يالله مين على الكرسي اليوم ؟؟؟؟؟؟؟؟ هه أهلا دكتورة صوفي زمااااااااااااااان و انا عم قول لحالي اول ما فتت على غرفة التحقيق منورة : يالله لنبلش بس متل العادة ما بحب كثر

    منورة بوجودكن

    - اول شي كيف عرفتي المنتدى ؟؟ و شو رأيك فيه ؟

    عن طريق الصدفة
    موضوع كنت عم دور علي ولقيتو بالمنتدى بس للاسف كان بالعربي والعنوان بالانكليزي وانا انصدمت يوما لان مواضيع العربي مابتفيدني
    لأ بس بالاجمال منتدى كتير حلو متعوب علي ,في جهود مبذولة وانا كتير بحبو ودائما بفوت علي

    - بدي منك صفة ايجابية و صفة سلبية لكل عضو بشكل خاص ( كل عضو باسمو ) بدون ماحدا يزعل و بجد ؟
    هلأ انطباعات سلبية ماعندي تجاه اي شخص بالمنتدى
    وايجابية اكيد في وفي كتير كمان بس كل عضو من المنتدى كتير صعب عليي وبخاف ذاكرتي تخوني
    لذلك بلاها احسن

    - شو هي اهتماماتك ؟
    دراستي والناس لي حواليي وباقي الاهتمامات يعني متل هل البنات مافي شي مهم

    - وقت الفراغ شو بتساوي ؟

    بحب غير جو واطلع مشوار بس طبعا مادوم بقدر,بقعد عالنت او التلفزيون
    - أي الدراستين أحلى الجامعية و لا قبل الجامعية و ليش ؟
    مافي مقارنة
    المدرسة كان عندي رياحة نغسية نسبيا مانا موجودة بالجامعة
    الجامعة في حرية لي ماكانت موجودة بالمدرسة بس انا كتير بحن لايام المدرسة وخصوصا رفقاتي

    - شو نصيب مساعدة الاهل من وقتك ؟
    اكيد بساعد وقت بكون فاضي متلا هلأ رايحة اجلي

    ان شاء الله اذا خطر شي تاني برجع ................... لا تخافي سب مارح كثر (^_^)

    هههههه

    ماني خايفة :99:
    والسلام عليكم
  • تم تعديل 2009/02/19
    اهلا owayed003

    owayed003 كتب: »
    شو اكتر شغلة حلوة صارت بحياتك

    انو بحياتي في ناس رائعين بفتخر بوجودن فيا وهاي احلى شغلة

    شو اهم شغلة لساتك تحتفظي بيها

    المرحات بالمدرسة وشهادات التقدير

    شو اكتر شي يعجبك بالشباب

    اكتر شي بيعجبني بالشباب وقت بكونو مثقفين الن فكر واسع ومنفتحين عالحياة

    شو احلى اغنية عندك

    لو ما تجي (اليسا)

    والسلام عليكم
  • تم تعديل 2009/02/19
    [اهلا لوفر


    QUOTE=Lover;17369]صوفي شو هي أكتر شغلة بتحبيها بحياتك؟؟؟؟؟؟

    اهلي الله يخليلي ياهن


    ايمت آخر مرة زعلت فيها من أهلك وليش؟؟؟؟؟؟
    هديك السنة
    كانت عدة اسباب بس اهم سبب الجامعة

    طيب كيف بتنظري للشباب يلي بيوقفوا ع بواب المدارس؟؟؟؟

    هههههههههههههه
    مراهقين طايشين بكرا بيكبرو وبيعقلو
    يعني فورة شباب

    شو أكتر شغلة عجبتك بالمنتدى؟؟؟؟؟؟؟

    الالتزام وروح التعاون

    [/QUOTE]

    والسلام عليكم
  • تم تعديل 2009/02/21
    كيفك صوفي
    جهزتلك أسئلة أصعب من أسئلة دورتنا تبع البكالوريا
    1-لأي حيوان تشبهين نفسك(السؤال ليس فيه اهانة ......هل تعتقدين أنتك تشبهين القطة مثلا؟)
    2-ما هو لونك المفضل/معدنك المفضل/حيوانك المفضل/مطربك المفضل/مدينتك المفضلة؟
    3-من أي كلية انت و أي سنة؟
    4-ما هو تعريفك الخاص للأنوثة؟
    5-ما هي الحقيقة التي تصارحين نفسك بها دوما؟
    6-ما هو أهم شيء تعلمته من الحياة؟
    7-من هو /هي مخزن أسرارك؟
  • تم تعديل 2009/02/21


    كيفك صوفي

    اهلا الحمدالله بخير

    جهزتلك أسئلة أصعب من أسئلة دورتنا تبع البكالوريا

    يالطيف الله يستر من المجموع تساهل معي بالتصليح

    1-لأي حيوان تشبهين نفسك(السؤال ليس فيه اهانة ......هل تعتقدين أنتك تشبهين القطة مثلا؟)
    ههههههههه اي حيوان سؤال صعب هوي اكيد مالقطة لان القطاط بياكلو وبينكرو
    بس بظن الدولفين ومارح قول ليش

    2-ما هو لونك المفضل/معدنك المفضل/حيوانك المفضل/مطربك المفضل/مدينتك المفضلة؟

    اللون المفضل: الاخضر واحيانا الاحمر
    المعدن المفضل :الذهب
    الحيوان المفضل: بحب الخيل
    المطرب المفضل :بتعجبني اغاني اليسا
    مدينتي المفضلة :حمص

    3-من أي كلية انت و أي سنة؟
    انا عم ادرس صيدلة سنة 2
    4-ما هو تعريفك الخاص للأنوثة؟
    اللطف والذكاء بالتعامل مع الرجل
    5-ما هي الحقيقة التي تصارحين نفسك بها دوما؟
    انو في ناس بتحبني وفي ناس مابتحبني (المحبة من الله)
    6-ما هو أهم شيء تعلمته من الحياة؟
    لحد هل اللحظة الصبر بقصد انو يصير بالي طويل من قبل كنت عصب كتير
    7-من هو /هي مخزن أسرارك؟
    ماما بالدرجة الاولى انا كتاب مفتوح قداما وطبعا عندي اصدقائي الاعزاء وهنن 4 بيعرفو الاسرار في حال وجدت

    وشكرا عأسألتك
  • تم تعديل 2009/02/22
    أنا عرفت ليش اخترتي الدولفين بس مارح قول مشان حافظ ع سرك هههههههههه

    طيب يا صوفي :

    1- مين الشخص يلي ممكن تفضلي ع غيروا بهالمنتدى ؟؟؟

    2-مين أكتر شخص هضمتي بهالمنتدى ؟؟؟

    3- شلون بتشوفي الأدب والزوق ؟؟؟(كحالة خاصة )

    4- ايمت برايك الزوق بيتعدى حدوده؟؟؟

    5- بما إنك من حمص بتنزعجي لما بينكتب نكت عل الحماصنة؟؟؟؟

    6- بدي أكتر نكته حبيتيها عن الحماصنة و وحدة عن الحموية ؟؟؟؟
  • تم تعديل 2009/02/23
    طيب لوفر اسألتك بدا تفكير
    رح فكر وبرد انشاء الله
    سلمات
  • تم تعديل 2009/02/24
    أوووووك عم ننتظر
  • تم تعديل 2009/02/26
    Lover كتب: »
    أنا عرفت ليش اخترتي الدولفين بس مارح قول مشان حافظ ع سرك هههههههههه

    يا لوفر يا حزير

    طيب يا صوفي :

    1- مين الشخص يلي ممكن تفضلي ع غيروا بهالمنتدى ؟؟؟

    ممممم مابعرف بس الكل مفضل


    2-مين أكتر شخص هضمتي بهالمنتدى ؟؟؟
    ههههههه حزير

    3- شلون بتشوفي الأدب والزوق ؟؟؟(كحالة خاصة )

    الادب والزوق برأيي الشخصي اني احترم حالي واحترم الناس وما اجرح حدا وما اتدخل بلي مالي في
    4- ايمت برايك الزوق بيتعدى حدوده؟؟؟

    ساعة بكون شي شخص مدعي الفهم ما فهمان وببلش ينظر ويتدخل بهل العباد

    5- بما إنك من حمص بتنزعجي لما بينكتب نكت عل الحماصنة؟؟؟؟
    لأ اطلاقا بس وقت بحس القصة بتمس شخصي او بتزيد عن حدا ممكن اني اكبس الشخص يلي مقابيلي كبسة عالبسيط

    6- بدي أكتر نكته حبيتيها عن الحماصنة و وحدة عن الحموية ؟؟؟؟

    اثنين حماصنة كانوا عم يلعبوا شطرنج ، من قد ما طولت المباراة معهم مات الملك بجلطة


    في أربعه حموية كانوا عم يلعبو على الأوتستراد ، فاتفقو الي
    بيندعس أربع مرات بيطلع برة اللعبة

    وهلأ بكون خلص دوري ورايحة اقعد عكرسي مكتبي
  • تم تعديل 2009/02/26
    هههههههههههههههههههههه مبروك صوفي بس بدنا حدا تاني يقعد عل الكرسي مين مناسب برايك
  • تم تعديل 2009/02/28
    لوفر اقترح اسماء ومنصوت
  • تم تعديل 2009/02/28
    [align=center]مثلا يعني شو رايك بـ آمال الخفاجي أو ريان

    هدول التنين بشوف مشاركاتون كتير حلوة ومهضومة
    [/align]
  • تم تعديل 2009/02/28
    صدقت بالوفر 2 مشاركاتن مهضومة
    بس انا برأيي ريان لان لسا الاخت امال ما صرلا زمان راجعة عالمنتدى منستنا شوي لتاخد نفس
  • تم تعديل 2009/03/03
    sophi كتب: »
    صدقت بالوفر 2 مشاركاتن مهضومة
    بس انا برأيي ريان لان لسا الاخت امال ما صرلا زمان راجعة عالمنتدى منستنا شوي لتاخد نفس
    مشكورين وبارك الله فيكم
    وانا كذالك من نفس رأيك حبيبتي sophi
    أخي الغالي ريان رأئع وعضو مميز واتمنا ان يكون على الكرسي
    مشكور أخي العزيز لوفر لختيارك لي بارك الله فيك كلك ذوق
    واشكر كذالك أختي الغالية sophi
    بارك الله بجميع
    تحياتي لكم
  • تم تعديل 2009/03/03

    صباحكم عاطر باجود انوع العود و البخور صباح النرجس و الورود العاطرة ...
    صباح قطرات الندى التي تتلاعب على اوراق الزهور لتعطي للطبيعة جمالا
    و أهلا ومرحبا فيك أخي العزيز ريان
    وهانحن من جديد على بساط من الاخوة الصادقة نلتقي
    نلتقي لنجدد عهود الوفاء لمن هم أوفياء لهذا الصرح
    نعود ونحن نحمل معنا أزاهير روض لم تزل
    تنشر العبير الفواح و تنور لنا كل زاوية من زوايا منتدانا الرائع
    هو أخي الغالي ريان



    شخصية أعتبرها ضمن
    لائحة الأقلام المميزة بمعنى
    مميـــزة فعلا

    شخصيه تتصف باالتواضع و العطاء
    تميز بهدوئه، جديته،انتقائه للمواضيع القيمة الهادفة
    أسمح لي اخي الكريم أبدا الاسئله

    س1/بطاقتك الشخصية لنتعرف عليك عن قـرب..؟!

    س2/ماهي التجربه التي تتمنى تكرارها ...؟

    س4/من هو توأم روحك ...؟

    س5/كيف تصف لنا منتديات العيادة السورية ...؟

    س6/ ما هي المعايير التي تبني عليها علاقاتك بالآخرين ...؟
    تقبل تحياتي

    أمال الخفاجي
  • تم تعديل 2009/03/04
    [gdwl]شكرا كتير أخت آمال ع الإطراء
    الحقيقة خجلتيني بكلماتك
    يلا صار عندي الدور[/gdwl]




    س1/بطاقتك الشخصية لنتعرف عليك عن قـرب..؟!

    اسمي ريان
    أبي توفيق
    أمي غادة
    مواليد حماة


    س2/ماهي التجربه التي تتمنى تكرارها ...؟

    البكالوريا

    س4/من هو توأم روحك ...؟

    أمي

    س5/كيف تصف لنا منتديات العيادة السورية ...؟

    أنا الحقيقة مسجل بأكثر من منتدى بس بصراحة أظرف من أعضاء syrianclinic أنا ما شفت
    والمواضيع اللي بيطرحوها متنوعة وحلوة


    س6/ ما هي المعايير التي تبني عليها علاقاتك بالآخرين ...؟

    رح رتبون حسب الأولوية
    الصدق
    قوة الشخصية
    الإخلاص
    وأخيرا الشكل الخارجي
  • تم تعديل 2009/03/04
    أحلا ريان والله من زمان تقعد عل الكرسي ونشوفك عل الواقع هههههههههه

    طيب ريان خلينا نبدأ سوا

    1- وين بتحب تقضي معظم وقتك

    2- شو هو أجمل مكان زرتوا بحياتك

    3- شو هي أكتر دولة عربية بتمثل شخصيتك

    4- شو أكبر همك بالدنيا

    5- ايمت آخر مرة مرضت فيها ( ما عقلبك شر )

    6- من وين جايب هالاسم الحلو
  • تم تعديل 2009/03/04
    شكرا لوفر ر ح أبدأ الإجابة

    1- وين بتحب تقضي معظم وقتك

    بالبيت
    2- شو هو أجمل مكان زرتوا بحياتك

    جبال سلمى (ع حدود تركيا)
    3- شو هي أكتر دولة عربية بتمثل شخصيتك

    سوريا
    4- شو أكبر همك بالدنيا

    أحصل ع محبة الناس

    5- ايمت آخر مرة مرضت فيها ( ما عقلبك شر )

    الحقيقة من يومين ولهأ مرضان بس الحمدالله عم أتعافى
    يعني متل مابتعرفوا ع تغيرات الجو بتنتشر الأمراض

    6- من وين جايب هالاسم الحلو

    هادا الاسم ع رأي الماما
    أبي كان بدو يسميني سامي ( new& exclusive)