كرسي الاعتراااااااف

1356723

التعليقات

  • تم تعديل 2008/11/26
    abooora كتب: »
    هلانت مستعد ترتبط بهالوقت؟

    أي مستعد كل الاستعداد
    وممكن هالرتباط ياثر على دراستك او شغلك؟

    أكيد رح يأثر
    هل بتطمح انه تكون شخصية معروفة؟

    طبعا طبعا ليش مين فينا ما بيطمح هالطموح
    ممكن تفكر تفتح شركة؟؟

    ليش لاء ممكن كتير
    هل انت مع عمل المراة؟ وليش؟

    أكيد مع عمل المرأة ما هي نصف المجتمع بعدين ما بلاقي في مانع
    ممكن ترتبط ببنت مانه سورية ؟ وليش؟؟

    ممكن والله يقدم اللي فيه الخير
    شو بتنصح الاعضاء نصيحة عامة؟

    بنصحون بتجنب العلاقات المشبوهة ولو واحد بالمية بقصد بعلاقات الحب والأحسن ما يفكروا فيها عل الإطلاق وبنصحون سواء لشباب أو لبنات أو لمزيج من الاثنين يفكروا الصداقة والصداقة بس لأن غيرها ما بينفع هالأيام وأكيد ركزت على النقطة هي لأنها من أكتر النقاط اللي حسيتها بتشغل فكر الشباب
    بس ...

    على فكرة السؤال الأخير خلاني انتبه لشغلة وبدي قلك إياها الارتباط بمفهومي خطبة وزواج إلا إذا قاصدة غير هيك فأنا بعكس كل أجوبتي السابقة:bravo01::bravo01:

    مشكورة هالكرسي باينتوا صعب الجلوس عليه كتير وأسئلتك مركزة وحاسبة الموضوع منيح قبل ما تطرحيه بالمنتدى :penaud04::penaud04:

    مشكورة من جديد عل الأسئلة الظريفة وبس ما يكونوا خلصوا أسئلتك لأن الظاهر أسئلت الشباب خلصت ومحدا عم يهتم :smile03::smile03:

  • تم تعديل 2008/12/22
    بعد غياب عبورة:love[1]::love[1]: عنا اتوقف أكتر موضوع حلو وهو كرسي الاعتراف لذا أنا حابب افتح الموضوع من أول وجدي:70::70:د وبدي حدا يرشح نفسوا مشان يقعد عل الكرسي ويستعد للإجابة على كافة الأسئلة :92::92:وإذا محدا بدو يرشح نفسوا أنا رح رشح شي أبضاي منكم يا شباب ويا صبايا:112::112:
  • تم تعديل 2008/12/23
    شو شباب الظاهر محدا حابب يقعد عل الكرسي طيب أنا بدي قعد ريمي على كرسي الاعتراف شو رأيكن وشو رأيك ريمي أكيد لازم تكوني جاهزة مو هيك يالله خبرينا مشان نبدأ بالأسئلة يلي رح تكون متل زخ المطر
  • تم تعديل 2009/02/09
    يا جماعة ليش تاركينو لكرسي الاعتراف

    شي حدا يجبر بخاطرو ويقعد علي
  • تم تعديل 2009/02/09
    ما تآخزوني يا شباب
    أنا اليوم لحتى رجعت
    عم تابع مسلسل كرسي الاعتراف دورميييييييييييييييين؟؟؟؟؟؟؟؟؟
  • تم تعديل 2009/02/09
    صوفي شو رأيك تقعدي أنت إذا موافقة منشان نبدأ أسئلة يالله بدنا حماس شباب
  • تم تعديل 2009/02/09
    ممممممممم

    هيي مافي مشكلة عندي بس شورأيكن تنئو حدا اقدم مني بالمنتدى
  • تم تعديل 2009/02/10
    طيب اجتني فكرة خلينا نعمل تصويت
    منرشح 3 اسماء ومنصوت ويلي بيطلع التصويت علي
    ماعكيفو منقعدو يعني منقعدو على كرسي الاعتراف
  • dr.joandr.joan عضو ماسي
    تم تعديل 2009/02/10
    طيب إقترحي أسماء صوفي .......
  • الرجل البخاخالرجل البخاخ عضو ماسي
    تم تعديل 2009/02/10
    أنا بقترح انو نسميه كرسي أسنان بالعيادة مو كرسي الاعتراف لانو ما حدا عم يرضى يقعد
  • تم تعديل 2009/02/10
    أنا بقعد وسألوني
  • تم تعديل 2009/02/10
    بما انو ريمي تبرعت وجبرت بخاطرو للكرسي لنبلش الاسئلة لكن وكون انا اول وحدة بتسأل

    1-اول شي كيفك ريمي انشاء الله تكوني مروئة ومبسوطة
    2-ادي عمرك
    3-كيف تعرفتي على المنتدى مع انو اهتماماتك ادبية مانا علمية
    4-من زمان بتكتبي وماناوي تنزلي كتاب باسمك
    5-عندي شعور انك رايقة ومابتعصبي بسرعة ,شعوري بمحلو ؟؟
    واخر سؤال
    6-ليش ما رديتي عمزيد من التعارف بين الاعضاء مع العلم انو كل المشرفين والادارة ردو والمعلومات كانت عامة نوعا ما

    تحياتي
  • تم تعديل 2009/02/10
    اول شي بدي قدم تحية ل ريمي ع كتاباتك الرائعة
    بدي اسألك بتحبي اقعد بدلك عالكرسي اذا ما بدك
    هههههههههههههههههه
    اكيد الاعضاء ما بدهم .كانو يستنوكي لتقعي بالمصيدة لان اكيد مخبيلك ألف سؤال
  • تم تعديل 2009/02/11
    جايك الدور لتقعد مكاني يا owayedoo3 بشكرك .وسألوني شو مابدكن.

    صوفي بجوز تأخرت عليكن بالمشاركة حقك علي ، بالنسبة لأسئلتك:

    1- أنا منيحة ياصوفي نشالله انت تكوني بخير ، وطول مالصحة جيدة بكون ألف الحمدلله

    2- عمري 24 سنة

    3- مابنكر انو اهتماماتي أدبية ، بس بحب كمان اني اضطلع على كل نواحي العلم وخاصة الطب ، أما بالنسبة لإني كيف تعرفت على المنتدى ، كنت عم دور عمقالة طبية كاتبها دكتوري الأسنان ، حطيت اسم المقالة على غوغل ففتحلي هذا الموقع ووعجبني وبلشت شارك فيه.

    4- بكتب من وقت كان عمري 10 سنين ، وبالجامعة كنت دائما شارك بمسابقات شعرية وفوز فيها ، وكنت أعمل أمسيات شعرية بالمركز الثقافي ، أما بالنسبة لأني أعمل ديوان أو كتاب بعمري مافكرت لأني مابكتب بقصد الشهرة وانما بكتب لأرتاح ولإني لقيت بالورق والقلم خير أكتر من البشر.

    5- شعورك بمحلو ياصوفي أنا كتير رايقة ورومنسية وقليل ماعصب ، وحتى يوم عصب بعصب بشكل داخلي بدون مااظهر هالشي

    6- مارديت لعدة أسباب أول شي كنت ناوية رد بس ماصرلي مجال ، تاني شي لقيت انو مابملك معلومة أو شي عن نفسي ممكن اذكرها ، ثالث شي بوعدك رح رد اليوم .

    وبشكرك ياصوفي ياصديقتي عإحساسك العالي واهتمامك
  • تم تعديل 2009/02/11
    طيب ريمي أنا رح أسألك كمان مجموعة أسئلة :

    1- شو بيعنيلك المنتدى واللي فيه وهل ممكن تتكري بيوم من الأيام

    2- شو أكتر شغلة حبيتيها بالمنتدى وشو هي أكتر شغلة دايقتك

    3- مين هو أكتر شخص هضمتي أو حبيتي بالمنتدى

    4- شو هو الشيء المميز بحياتك

    5- شو هو أجمل يوم قضيتيه بعمرك وايمت كان

    6- كيف بتنظري لشباب هالأيام

    7- مين هو رمزك المفضل بالأماكن التالية : المنتدى - العمل - الحياة الطبيعية - الجامعة - أيام الدراسة
  • تم تعديل 2009/02/11
    أنا عندي كام سؤال لريمي كمان1-هاد اسمك الحقيقي ولا اسم مستعار
    2-ما هي حدود طموحك ومتى تتوقفين عن العمل؟؟؟؟؟
    3-متى آخر مرة كذبت فيها؟
    4-متى آخر مرة قلتي كلمة(أحبك)(بكسر أو فتح الكاف)؟
    5-ما هو لونك المفضل/معدنك المفضل/حيوانك الأليف المفضل/رياضتك المفضلة/أديبك أو شاعرك المفضل؟
    6-ما هو برجك
    7-ما هو تقييمك الصادق و الصريح لمواضيع الرجل البخاخ في المنتدى؟
  • تم تعديل 2009/02/12
    شكرا يالوفر وشكرا يالرجل البخاخ رح جاوبكن بس هريتوني أسئلة، بالنسبة لأسئلة لوفر:

    1- أنا بعتبر المنتدى حاليا متنفسي الوحيد ، بعتبروا الصفحة والمساحة البيضا والدافئة يلي بشارك فيها بمشاعري .أما الأشخاص يلي فيه بعتبر كل واحد فيهن واحد من أهلي ، صحيح أنا مابعرف حدا فيهن بس بحب الكل حتى يلي بنظرولي نظرة سلبية وبتمنى لاقي بالكل الأصدقاء يلي ماهدتني ياهن الحياة ، بلكي يلي عجزت فيه الحياة بقدر عليه هالمنتدى.بالنسبة لإني ممكن اترك ، علمتني الحياة انو مافي شي دائم ومستمر ، أنا بالنهاية بشر ممكن امرض ، ممكن موت ، ممكن اتزوج أو حب وزوجي أو حبيبي مايهون عليه ادخل أي منتدى ، ممكن كلمة تجرحني من أي شخص بالمنتدى ومااقدر داوي هالجرح فأترك المنتدى ، بس بتمنى مايصير شي يخليني اترك ، واذا تركت بتمنى اترك وراي الذكرى الحلوة ، والصورة يلي ربوني عليها أهلي .

    2- أكتر شغلة حبيتها وجود أعضاء على درجة كبيرة من التدين والأخلاق والذكاء والإبداع والدفء ، يعني وجود هيك ناس رجعولي الثقة بهالحياة ، رجعولي الثقة بأنو لسع في ناس جيدين. وحبيت بالمنتدى انو مابشبه غيرو من حيث مستوى الأعضاء والمشاركين ، ومن حيث نوعية المشاركات، وبشعر انو هذا المنتدى فيه نسية كبيرة من الصدق والنقاء.أكتر شغلة ضايقتني وقت ظلمني أحد الأعضاء بشي مالو صحيح.

    3- بالحقيقة الحب الو درجات وأنا بحب الكل وبدون مجاملة : مثلا أحمد دائما بشجعني وببسطلي الصعوبات وبدعمني ، حازم بعمري مابنسى انو أول مشاركة الي كان الرد الأول عليها منو ، انت ياتمام دائما بتشجعني وبتدعمني حتى علي واسبيرانت وآمال وصوفي ورقى وعاشقة العلوم وطلة وشبل الأسد وطبيبة جزائرية وآلاء وعبورة وكل الأصدقاء دون استثناء بعنولي الكثير وبكفي انن بقرو كتاباتي من قلبن وبحسوا فيها.

    4- امي هي أغلى وأقرب وأميز شي بحياتي ، والله العظيم لو بقدر لأعطيها عمري كلو ، أنا عندي ام مميزة جدا

    5- بالنسبة لأجمل يوم بعمري بتصدق اني مابتذكر يوم بعمري كان حلو كتير؟ المهم الصحة بخير الحمدلله ، بس أنا تعبت كتير بحياتي وبعمري مافرحت الا وطلعت من عيوني ،

    6- الحقيقة شباب هالأيام عم يعملو جهدن ويدرسوا ويشتغلو فيهن المنيح وفيهن السيء بس مع ذلك أنا مابشعروني
    بالآمان مابعرف ليش.

    7- الرمز كلمة كبيرة كتير لأن الرمز هوي الشيء القيم الغالي النموذجي يلي مالو بديل أو مثيل ، الرمز هوي القدوة ، لهيك بالمنتدى لهلق محتارة في كتير أعضاء مافي متلن بس ليصيروا رمز لازم أعرفهن من قريب وعيش معهن الحلوة والمرة . بالشغل ماعندي رمز ، بالحياة امي ، بالجامعة ماعندي رمز ، بالدراسة رمزي أخي لأنو بجمع بين التقوق بالطب والتفوق بمجال الكومبيوتر والتفوق بالمجال الحياتي.

    وشكرا لوفر عكل أسئلتك ونشالله كون جاوبتك
  • تم تعديل 2009/02/12
    بالنسبة لأسئلة الرجل البخاخ :

    1- اسم مستعار لكنه مشتق من اسمي ، اسمي الحقيقي ريم

    2- بعمري ماكان عندي طموح أو حلم ، أنا عايشة عمري كل يوم بيومو درست وتفوقت ومكملة وعم اشتغل ، عم أعمل واجباتي وعملي ودراستي والباقي على الله شو بريد يهديني يحققلي هذا الشي بإيدو أنا مسلمة أمري الو وماعم اطلب شي أو اطمح لشي. وبتوقف عن العمل وقت اشعر اني ماعدت قادرة أعطي شي للعمل ولنفسي ، وبتوقف عن العمل وقت مابقى يعطيني العمل أي خبرة أو معرفة ، وبتوقف عن العمل وقت تنمس كرامتي.

    3- آخر مرة كذبت فيها مبارح وقت امي طلبت مني جزء من راتبي لأمر ضروري ، وسألتني معك شي يكفيكي لآخر الشهر وجاوبتها اي معي ، والحقيقة مامعي عطيتها كل يلي معي بس ماهان علي قلها لاء.

    4- بكتاباتي بقول كلمة أحبك كتير ، بس بالحقيقة لسع ماقلتها

    5- لوني المفضل الأسود ، معدني المفضل الدهب ، ماكتير بحب الحيوانات وبخاف منن ، بس بحب الببغاء لأنو ببادلني الكلام ، الرياضة المفضلة المشي والرقص ، وعلى فكرة ومن ناحية علمية الرقص من أهم الرياضات لأثنو بحرك كل عضلات الجسم ، شاعري المفضل بالحقيقة بحب أي شعر جميل لأي كاتب حتى لو كان مبتدأ ، بس بحب كتير محمودى درويش وسعاد الصباح وبعض قصائد نزار قباني .........كتار يلي بقرالن.

    6- برجي الجوزاء.

    7- بصراحة أنا بحب مشاركاتك ومستحيل شوف اسمك وماافتح الموضوع واقراه لأن مشاركاتك مميزة وممتعة رغم انك مابتشاركنا كتير ، يعني مشاركاتك قليلة.شكرا لأسئلتك
  • تم تعديل 2009/02/12
    طيب ريمي إلك المجموعة التانية من الأسئلة

    وين أجمل يوم قضيتيه بحياتك ؟؟؟

    كيف بتظري للشب يلي بيكون حشري بأمورك لحد معين من الأدب ؟

    كيف بتظري لشب الوسيم ؟؟

    مين هو الشب الوسيم بنظرك وشو مواصفاتوا؟؟؟؟

    مشاركاتك بالمنتدى حلوة كتير بتقدري تتخلي عنها ؟؟؟؟

    ايمت آخر مرة بكيتي فيها ؟؟؟؟؟؟

    شو الحل برأيك لمشكلة البطالة ههههههههههههههههه هاد مو سؤال !!!!!!!!1

    كيف بتقدري تميزي الناس الطيبين من الناس العاطلين عل الانترنت ؟؟؟؟؟

    ومشكورة ريمي سلفا
  • تم تعديل 2009/02/12
    شو استلمتوني ، ليكون هالكرسي الي ومو عرفانة؟.
  • تم تعديل 2009/02/12
    ما بيصير ريمي بدك تجاوبي لمدة أسبوع وبعدين بيقعد حدا مكانك هيك القوانين ومافيكي تتهربي من ولا سؤال

    شو عم تقل همك شايفة ولى بدك تشجيع

    يالله ريمي ريمي ريمي ريمي ريمي ريمي ريمي ريمي ريمي

    هههههههههههههههههههههههههههههههههههه
  • تم تعديل 2009/02/12
    1- أحلى يوم قضيتو مع أهلي بالبيت

    2- بحاول افهم حشريتو على انها من باب الإهتمام وبجاوبو على قد مابقدر مع الإحتفاظ بحريتي بالإجابة

    3- بعمري ماشفت رجل وقلت هذا وسيم لأني آخر شي بعنيلي الشكل ومابنخدع بالمظاهر

    4- المشاركات يلي منقولة بتخلى عنها لأنها مو ملكي ، أما كتاباتي الموت أسهل علي من التخلي عنها ، بس المشكلة الخيار ماعم يرجع الي لأن على النت مافي حماية ، عم ياخدوها بدون علمي وغصبن عني.

    5- آخر مرة بكيت فيها اليوم.

    6- الشب الوسيم بنظري هوي الشب يلي لابس ثياب نظيفة ، وشكلو مرتب وبيوحي بالآمان ، بحب السمار ....مابعرف المهم يكون مرتب ورجل بدون شعرات طوال ولبس بناتي هي من ناحية الشكل ، أما من ناحية الصفات فبحب : الصدق ، الدفء ، التدين لدرجة معينة

    7- حل مشكلة البطالة بالتعاون يعني الغني يشغل الفقير ويفتح بمصاريه مشاريع يشغل الناس بالحلال وبدون واسطة ، الحل الإنسان يدرس ويكون معو سلاح العلم ......بيناتنا مشكلة البطالة مالها حل طول مافي واسطات

    8- للأسف الإنترنت مجال واسع للكذب بس بحاول ميز الطيبين من خلال احساسي ومشاركاتن وردودن على بعض
  • تم تعديل 2009/02/12
    اسبوع ياظالم
  • تم تعديل 2009/02/12
    ريمي قاعدين لوين
    عندي لسا سؤال

    طيب ليش برأيك في قلة ردود بالمنتدى ؟؟؟؟
  • تم تعديل 2009/02/12
    هههههههههههههههههههه اي أسبوع وانتظري المزيد :

    مين هو شارلي شاربن حياتك ( يلي بيخليكي تضحكي)؟؟؟؟

    أكتر شخصية كرتونية بتحبيها وشو بتعنيلك؟؟؟؟؟

    بتتفرجي عل برامج الكرتونية؟؟؟؟؟ وليش؟؟؟؟؟

    كيف خبرتك بالكمبيوتر والانترنت؟؟؟؟؟

    ما بتتمني حالك تدرسي طب ؟؟؟؟؟

    وشو نظرتك للبكلوريا والطلاب يلي كلووون بدون يدرسوا طب؟؟؟؟؟؟

    لسى ما خلصت بس لبعدين مخبيلك كمان ههههههههههه

  • تم تعديل 2009/02/13
    والله ياصوفي ملاحظة انو في قلة ردود يمكن بسبب الإمتحانات ويمكن بسبب السفر ويمكن اهمال
  • تم تعديل 2009/02/13
    لوفر هلكتني ..........

    أنا قليل مااضحك بس اي موقف حلو ومهضوم بضحكني ، وأكتر شي بضحكني عادل امام وبعض الأخبار بنشرات الأخبار

    بحب توم وجيري كتير وبعجبني ذكائن

    اي بتفرج على أفلام كرتون القديمة متل قصص عالمية ، واوسكار ، وتوم وجيري لإني بحب هالأفلام وبهرب لعالم الأطفال النظيف والصادق

    خبرتي بالكومبيوتر والإنترنت جيدة لأن شغلي بتطلب هالشي

    كنت بتمنى ادرس طب بس ماقدرت

    معن حق الطلاب يحلمو ويتمنو يدرسو طب ، لأن الطب مهنة انسانية والها مكانة اجتماعية وعلمية مميزة ، بس مو مع انو الكل يحلم بهالشي لأن الدراسات التانية الها أهميتها والإنسان مالازم يفكر بشي فوق طاقة مقدرتو ، والمجتمع مو مبني بس بالطب.

    ناطرة أسئلتك يااستاذ تمام وبشكرك على اهتمامك
  • تم تعديل 2009/02/14
    هههههههههههههههههه اي انطري لقلك وجاوبيني :

    1- مين أكتر شخص بالعالم ممكن تعتبري أهبل او بيستهبل

    2- شو بتفسري أنو كتير من الاشخاص بيدخلو بيقروا المشاركات وما بيردوا عليها

    3- فكرتي شي يوم تنتحري؟؟؟؟

    4- ايمت بتقرري تتخلي عن محبة انسان عزيز عليك

    5- أنت بتوقفي مع الشباب ولى مع البنات بنقاشات الانترنت ولى بتفضي الحياد أو الشفافية؟؟؟

    6- إذا بنت من رفقاتك خانتك ببيتك شو تصرفي معها

    7- إذا البنت السابقة خانت أحد أصدقائك ببيتوا وأنت كان عندك علم شو بتتصرفي ؟؟؟ بتحاولي تهديها وتصلحي يلي بينهون

    8- حاسك عم تكرهيني من ورا أسئلتي الغليظة ويلي ما عم أقدر أني وقف عنها وحاسس كمان إنك إذا شفتيني رح تقتليني هل إحساسي بمكانوا ؟؟؟
  • تم تعديل 2009/02/15
    1- احساسك مو بمحلو بنوب يالوفر أنت غالي عندي ومستحيل اتضايق من أسئلتك

    2- كتار الأشخاص يلي بستهبلو مالي متذكرة حدا

    3- يمكن مابردوا على المشاركات لأن مابتعجبن ، أو بقروها للإطلاع فقط ، أو بتعجبن لدرجة بعجزوا عن الرد

    4- مريت بكتير ظروف صعبة بحياتي بس مستحيل فكر بالإنتحار لأن الله موجود وبكفيني وجودوا

    5- بتخلى عن الإنسان العزيز علي وقت يكذب ويخون ، لأن الإنسانة أو الإنسان الغالي علي وقت يكذبوا ويخونوا بسقطوا من عين قلبي

    6- المشكلة اني كأنثى عنجد بحس بالبنت قديش هي مظلومة بهالدنيا وقديش حساسة وضعيفة ، الأهل بقسوا عليها من جهة ، والمجتمع مابرحمها ، والشباب أكيد في منهن كتير مناح وواعيين ومثقفين وأخلاقن عالية وبالمقابل في رجال ظالمين وغادرين وقاسيين ، لهيك بوقف بالحياد لأني مابعرف حدا بالمنتدى عن قريب ، ولأن معظم الأ[عضاء صغار بالعمر مو بالقيمة أكيد ، وبنقصن الكتير من التجارب بالحياة

    7-اذ خانتني ببيتي طول ماهي لسعتها ببيتي بحترمها وبضغط عحالي وبتحملها ، بس أول ماتطلع ماببقالها فوتة عبيتي وحياتي بالمرة ، يلي مابتحترم بيتي مابدي ياها

    8- اذا كان عندي علم ومتأكدة من خيانة رفيقتي لصديقي أو صديقتي ، بقطع علاقتي فيها فورا لأن يلي بتخون واحد بتخون عشرة ويلي مابتحترم البيت الموجودة فيه مابشرفني معرفتها ، بس مابقطع علاقتي فيها لأتأكد مشان مااظلمها لأن أنا عندي خسارة الناس مو بهالسهولة ، والدنيا علمتني اني مااسمع لطرف واحد وانما اسمع لطرفين
  • تم تعديل 2009/02/15
    شو بفهم من هالحكي مافي غيري عم يسأل شو هاد ليش هيك يا شباب بدي غيري يشاركني ويشجعني عل الأسئلة أنا رح اعتزل السؤال لحتى شوف في حدا غيري عم يشارك