أحبه بس حبه متعبني

sondossondos عضو مميز
أحبه بس حبه متعبني ..


كلمات د. أديب بازهيـر


أحبـه و الكـل يشهد بغـلاه
أحبـه و منـه الله لا يحرمنـي

أعشـق فيـه جمالـه يامحـلاه
ولـون عيونـه اللي تذوبنـي


يبيـني طـول الوقـت وايـاه
ما أتركـه و لا يبي يتركنـي

مايبيـني أتكلـم الا معــاه
وبجنون غيرته صـار يعذبنـي



و لـو تأخرت لحظة عن لقـاه
يزعل و يقـول ليه تكرهنـي

المشكـله انه يعرف غــلاه
ويعـرف انـه بحبـه مجننـي


لـو زعل أضيع في دنيــاه
و أتمنـى لـو الأرض تبلعنـي

ياويلـي بس لو جاني جفـاه
أتعب والبعـد حيل يضايقنـي



مـا أقدر أتحمل لحظة فرقـاه
أتعب و أحس ضميري يأنبنـي

أحيـان أقول خلاص أبنسـاه
و بروح وبقولـه لا تكلمنـي



و أقـول أحسن أعيش بليـاه
ما أبيه يتصل و لا يسأل عنـي

يمكـن أرتاح من حبه وبلـواه
يمكن البعـد عنه راح يريحنـي



و لمـا أروح وأتقابل معــاه
ألقى اللهفة فينـي تقتلنــي

و أنسـى اللي كنت أنا أبغـاه
وألقى كل أحاسيسي تكذبنـي



و أنسـى اني قلت أبي أنسـاه
وأتذكر انه بالحيل واحشنـي

أحسـه مالـكني بحبه وغـلاه
وبلون عيونه أحسه ساحرنـي

________________