كيف تكون قوي لتتخطى كل الصعاب؟

nawal

الحمدلله على كل حال
عانيت الكثير وما زلت اعاني لدرجة اني اشعر ان قوتي ضعفت ووهنت.
حياتنا صعبة نعيشها بحلوها ومرها بس ممراتها طغت على حلاوتها.
هل كل الناس كذلك؟
هل هناك من يعيش سعيد ؟
ما مقياس السعادة والفرح؟
ما هي البدائل عن السعادة؟
لماذا لا نرضى بالمقسوم لنا؟

Dr.Ahmad

لو جينا عالحقيقة نوال ما في حدا ما عانى لانو الحياة هي مجال اختبار و عمل و مانا دار سعادة دائمة .. كل إنسان بيمر بلحظات حلوة و لحظات مرة ... ساعات فرح و ساعات حزن ... لابد من ساعات صبر و لا بد من تعب و شقاء و لو فكرنا شوي لشفنا انو السعادة ما بتكون أبدا بالقعدة و الراحة لا أبدا ... إنما ( على الاقل برأيي ) السعادة الحقيقة هي بالعمل و الإنجاز و التعب في سبيل الغاية المنشودة التي يسعى إليها الإنسان و هالشي ملحوظ جدا و معروف لكل الناس

هل هناك من يعيش سعيد ؟

أكيد, ما بدا سؤال لكن بغض النظر انو كتار او قلال .... الانسان السعيد هو اللي بيعرف طريق السعادة .. السعادة لا يمكن تكون أبدا بالمال أو الراحة أو السفر و الترحال لا أبدا ... كثير أوقات ممكن يكون الفقير بمنتهى السعادة لو قارننا بانسان غني و متوفر له كل وسائل الرفاهية ... السعادة هي سر قليلون من يكتشفون طريقه لكن من بحث بجد وجدها

و السعادة لا تقاس بمقياس ابدا ... لانها شي محسوس و كل انسان ممكن يحس بالسعادة لكن ما ممكن أبدا نميز بين سعادة شخصين

بدائل السعادة !!!! كلمة غريبة و بصراحة ليش البدائل !!!

noone

يا أختي الحياة هي الحياة من يوم سيدنا آدم حتى اليوم
الاختلاف الوحيد هو طريقة تقبلنا لمصاعب الحياة
ممكن تلاقي اثنين عندن نفس المصيبة بس تلاقي واحد منهار والتاني رضيان وبيشكر الله
ومتل ما اقلتي الحياة فيها الحلو وفيها المر
بس بالآخر نحنا يلي بنصنع سعادتنا أو تعاستنا
الله يسعدك ,,

حكيم

أسئلتك كلها ترددت بعقولنا بلحظات ضعفنا ولهلأ كلما منوقع بموقف بترجع بصوت أقوى من الأول أحيانا كنت حس حالي متل اللي بمعركة حياة أو موت كل ما بتخلص من امتحان بطلوع الروح بيجي أصعب منو كأنو في حدا عم يمتحن قوة صبري بس بعدين يعني شبه تعودت لازم يكون في أشياء جديدة لحتى تعطي للحياة نكهتها
اسمعيني انتي ما لازم تسألي اذا في حدا سعيد لأنو كلنا مرينا بلحظات كنا فيها بقمة السعادة لازم تسالي اديش الناس المبسوطين مبسوطين ولا هي لحظات متل ما بصير معنا؟ وأديش الناس الزعلانين زعلانين ولا هي لحظات متل ما بصير معنا ؟
على فكرة السعادة مالها مقياس ومالها بدائل واذا بدك رايي انا بآمن بقول سمعتو أمو السعادة شعور بالرضا بيلقيه رب العالمين على القلب واذا بدك رايي كمان السعادة غير الفرح الفرح مؤقت بس السعادة دائمة
لا تكتئبي بكرة بتفرج وبتمر لحظات بتحسي أنو ما حدا مبسوط أكتر منك .................تحياتي ودامت حياتك سعيدة وفرحة

غاردينيا

مسا الخير نوال

مارح طول عليكي بس حابة قلك انو العبد لضعفه ولعجزه لايدري ماوراء حجب الغيب فهو لا يرى إلا ظواهر الأمور فكم من محنة صارت منحة وكم من بلية
أصبحت عطية فالخير كامن في المكروه

بنصحك بالمداومة على الإستغفار وبتمنى توصلي للراحة اللي بتتمنيها

Ph.Sama

مرحبا نوال أسئلتك حلوة بس الإجابة صعبة ... لأن مقياس السعادة و حتى الحزن مانو واحد عند كل الناس ....كلنا نعيش على أرضٍ واحدة تواجهنا نفس الظروف لكن بقوالب و أوقات مختلفة .... ليس فينا السعيد أو حتى الحزين فالطبيعيون منا يتقلبون بين الحالتين ... ليس مهماً أن تكون سعيداً أو حزيناً ... المهم أن تعرف كيف تتأقلم مع الحياة بكل ظروفها ... إن أصابك مكروه ما لا تتذمر و تندب حظك و أيامك بل آمن أن ما حصل معك لأجلك ... لسبب ما لا يعلمه إلا رب العالمين و ستكتشفه أنت في مرحلة ما ... و إن أصابتك حسنة فاشكر الله عليها .. نحن من نقرر إن كنا سعداء أم لا و ليست الظروف ... فمهما غلبنا أسى الزمان يجب أن نجد لحظة للابتسام ... لنا كل الحق أن نضعف و ننكسر في بعض الأحيان ... لكننا لا نملك أبداً الحق في أن نبقى متخاذلين طول عمرنا ... بالنهاية نحن نعرف تماماً كما قال بيل غايتس "الحياة ليست عادلة فلما نتوقع الكثير منها "...لو كنت أعرف الطريق إلى السعادة لأجبتك لكن أعرف أن الطريق إلى استمرار العيش هو الابتسامة في وجه الحياة بكل وجوهها و أتوقع أن تعلم كيفية العيش مع الحياة هي أولى الخطوات نحو السعادة بمعناها الحقيقي

najou

كيف تكون قوي لتتخطى كل الصعاب

الثقة بالله اولا وآخرا والإيمان أن ماصابك ما كان ليخطأك وما أخطأك ما كان ليصيبك.

هل هناك من يعيش سعيد ؟

الراضون و المؤمنون بحكم الله وقدره مهما كان.

ما مقياس السعادة والفرح؟

كل, حسب مفهومه. و أرى انه :القناعة , الرضا و الإيمان.

ما هي البدائل عن السعادة؟

كل, حسب مفهومه.

لماذا لا نرضى بالمقسوم لنا؟

كل, حسب مفهومه وما يوجد بعقله و قلبه . لو رضي الجميع لما كان هناك مشاكل .