> > *متسطح بتختك ونايم ومطفي الضو ومتغطي بالبطانية بيجي واحد من أهلك بيفتح الباب ويقول :
> > شو نايم ؟؟
> > لأ !! عم ارقص.. بس الوضع بيوحي إني نايم
> >
> >
> > *معزومين ع بيت جماعة، ولما بتدقوا الباب .. بيفتح شي فهمان وبيقول بدهشة:هه
> > إجيتوا ؟؟؟
> > لا والله لساتنا عالطريق، في عجئة بشارع بغداد
> >
> >
> > *لابس أحلى أواعيك ومتعطّر وشايل مفاتيح السيارة وجزدانك ورايح لبرات البيت، بيجي حدا من أهلك بيسألك، شو رايحلك شي مشوار !!؟؟
> > لا والله طالع عالأسطوح صلّح الدش؟؟؟
> >
> >
> > *حامل سماعة التلفون وعم تبلش تدق بالأرقام، بيجيك عنصر مفاجئ من أهلك وعلى
> > وجهه علائم الإستغراب والدهشة: بدك تحكي بالتلفون؟
> > لأ شو إحكي !!! بس كنت عم عد أزرار التلفون بركي ضاع شي واحد ؟؟؟
> >
> >
> > *حاطت راسك ونازل بهالكتب والدراسة، بيجي أبوك أو امك...: عم تدرس؟
> > لا والله ...!! عم غير زيت للسيارة
> >
> >
> > *مذيعة بيوم العيد عم تلف بالشوارع وتلطي ع كم مواطن وتسأل وبنفس الوقت هي
> > بتجاوب: شو بتساوي اول يوم العيد ؟ أكيد بتروح بتزور الأهل والقرايب
> > لا والله بالعادة بفكر العب شدة وماروح لعندهم
> >
> >
> >
> > *بتطلع بميكرو وبتطلع (خمسة ليرات )وبتعطيها للي قدامك، وبكل برودة
> > بيئلك: واحد ؟
> > لأ 60 واحد ؟ ورجعلي الباقي
> >
> >
> >
> > *بدك تنزل من الميكرو: عاليمين زكاتك.... بتتلقى الرد: نازل ؟؟
> > لا والله بس عم جرب صوتي
> >
التعليقات
شو نايم ؟؟والمقصود هلأحتنام
إجيتوا ؟؟؟ ويقصد لقد تأخرتم عن الموعد
شو رايحلك شي مشوار ؟وهذا يعني لوين رايح
بدك تحكي بالتلفون؟ويقصد وهو أيضا يريد التكلم بالتلفون
عم تدرس؟وهذا أنهم افتقدو صوتك وحركتك
نازل ؟؟ وقصده تحديد المكان الذي تريد أن تنزل منه
هذه مصطلحات جيلنا
نحاول لفت الانتباه بشكل غير مباشر وهذا تدريب لأولادنا على هذا النوع من الأسلوب
على فكرة حتى في الدول الأوربة يعتمدو هذا الأسلوب
والله شي حلو بس الأحلى أنو نحنا أحيانا بنسأل نفس الأسئلة!!!
يسلموووووووووا دمعة فرح