ياغائباً لا يغيبُ

د.مفدى زهور عديد.مفدى زهور عدي عضو ذهبي
تم تعديل 2010/07/28 في المنتدى الثقافي و الأدبي
بسم الله الرحمن الرحيم



الأخوة الأحبة الأكارم:

أناشد كل عضو ترك المنتدى وغاب عنه بأن يعود إلى دياره وأهله......

نحن أسرة واحدة في المنتدى. تعودنا على بعض وتآلفنا,, ولا يقبل أي عذر بهجر المنتدى....

أين الأخ تمام؟؟؟


شو أخباروووو.....؟؟؟


معقول يترك المنتدى بدون توضيح؟؟؟مين زعلو بس قولوا لي؟؟؟؟أناشد الأخ حازم الذي عودنا على المحبة بتوجيه نداء له للعودة....

وأناشد كل عضو بتكثيف مشاركته.....أرجو أن يبقى المنتدى بحالة فعالية ونشاط دائمين....

شو رأيكم؟؟؟ رجاء بأن تضموا صوتكم إلى صوتي.....مع كامل مودتي....

التعليقات

  • عاشقة العلومعاشقة العلوم عضو ماسي
    تم تعديل 2010/07/27
    فعلا صار لازمنعمل جلسةكبيرة ونتحاور عن الوضع الي عم يتدهور شوي شوي شو رايكن
  • suzysuzy عضو ذهبي
    تم تعديل 2010/07/27
    أنا معك نعيمة نقعد على بساط أحمدي كلنا سوا و نتصافى
    نحنا أخوة و الاخوة بيزعلو شوي و بياخدو على خاطرهم من بعض بس يلي بيميزهم عن الغربا انهم فورا بيصفو و بيسامحو بعض
    و أنا حاسة حالي بالعيادة بين أخوتي يلي بعزهم
    دكتور مفدى انتى حكيت يلي بقلبنا كلنا و أنا معك لازم تمام يرجع لعيلتو و ان شاء الله الدكتور حازم بيحل القصة بحكمتو متل ما عودنا دائما
  • د.مفدى زهور عديد.مفدى زهور عدي عضو ذهبي
    تم تعديل 2010/07/27
    هل تذكرون ماقال الشاعر بشار بن برد :

    إذا كُنتَ في كلِّ الأمور معاتباً && صديقكَ, لمْ تلقَ الذي لا تعاتبُهْ

    فعِشْ واحداً أوْ صِلْ أخاكَ فإنَّهُ && مُقَارفُ ذَنـْبٍ مَرَّةً ومُجانبُهْ


    كل إنسان خطاء وخير الخطائين التوابون....نحن بشر ولسنا ملائكة....نغفر لبعض ونسامح من يخطىء ونتعامى على عيوب غيرنا ولا ننظر للقذى بعيون الآخرين....

    هيا لنتصافح ونتسامح......

    ولنحافظ على محبتنا....

    رجاء يا أخ حازم عالج الأمر بمعرفتك وحكمتك....
  • Dr.AhmadDr.Ahmad مدير عام
    تم تعديل 2010/07/27
    بسم الله الرحمن الرحيم

    بشكرك دكتور مفدى ع المبادرة و انا معك انو المنتدى بدو شوية نشاط في شوية أفكار لكن بحاجة لدعم انا بداية حابب اسمع أفكاركن و نشوف شو ممكن نساوي ساوي اكيد في كتير أفكار و منها موضوع " صحتك بالدرجة الاولى " و موضوع " Arabic Herbs " و ان شاء الله رح يكون في مواضيع تانية


    أما بالنسبة لتمام .... بداية تمام خرج من تلقاء نفسه بسبب خلاف خارجي و بتصوري انو تمام لازم يعرف تماما شو هدف المنتدى و شو هي شروط المشاركة بالمنتدى قبل ما يرجع للمنتدى لانو المنتدى و بعلم الجميع طبي بالدرجة الأولى و ساحة تواصل تانيا و مافي هدف تالت أبدا !! ... هذا رأيي و بتصور حازم عندو رأي تاني
  • عاشقة العلومعاشقة العلوم عضو ماسي
    تم تعديل 2010/07/27
    له يا دكتور ما تعودنا منك هيك ولا تزيد الطين بلة
    اكيد المنتدى طبي بالدرجة الاولى مثل ماعم تقول بس ,,,,,,,,,
  • د.مفدى زهور عديد.مفدى زهور عدي عضو ذهبي
    تم تعديل 2010/07/27
    أنتظر رد توضيحي من الأخ الدكتور حازم.....أنا مع عدم وضع عراقيل تمنع عودة أي عضو إلا ما كان فعلاً مشيناً, وبتوقعي الأخ تمام أعقل من أن يخالف قوانين المنتدى,,,لابد من الليونة واستخدام مبدأ(ادفع بالتي هي أحسن) توجيه انذار أو تنبيه للمخالف قد يكفي....أحياناً سوء الفهم يزيد الطين بلّةً,,,وأملي بحكمة الأخ حازم....كل ما نريد هو المحافظة على الجو الأخوي دون نقد بعضنا لبعض....على أية حال أنا لا أعرف الأسباب ولكن يؤلمني غياب الأخ تمام وأجد تضامناً معي من بعض الأعضاء....ياجماعة الخير لا تتركوا للشيطان فعلا مُنفِّراً لبعضنا...خلينا نعيش مع بعض بحسن نية دون سوء ظن...والأخ حازم وأحمد هما قدوة لنا في النظام..[/COLOR]
  • عاشقة العلومعاشقة العلوم عضو ماسي
    تم تعديل 2010/07/27
    فعلا كلامك صح دكتور وان شاء الله نتوصل لحل يرضي الجميع ونحنمقبلون على شهر رمضان يا جماعة
  • dr.Hazemdr.Hazem مدير عام
    تم تعديل 2010/07/27
    يلي مزعل تمام أنا ...و يا جماعة أنا فيي عيبة إني مابحب الزاحلة و ما برجع عن شي عملتو و هي كل القصة و بجوز الحق عليي بس !!
  • د.مفدى زهور عديد.مفدى زهور عدي عضو ذهبي
    تم تعديل 2010/07/28
    الأخ الغالي حازم:

    نعلم بأنك المسؤول الأول بالمنتدى وأنك رجل حازم(لكل امرء من اسمه نصيب) ونعلم بأنك ذو خلق قويم ومستقيم ولا تحب الزاحلة ولا تتراجع عن قرارك....

    لكن نعلم بنفس الوقت بأنك طيب القلب وقلبك كبير.. ومن صفاتك المسامحة والصفح ,,,وهي من شيم الكرام....

    تمام له خاطر عندنا وهو عضو محبوب ويحب المزاح قليلاً وله وزنه المعنوي بيننا..وهو يتابع ولو من بعيد...من شدة حبه للمنتدى على ما أظن...

    فرجائي-- إن لم يكن لديك مانع-- بالمصالحة والرضا كي تعود المياه لمجاريها....

    ويادار مادخلك شر....وصافي يالبن وحليب ياقشطة(بالأذن من المصريين)

    ورمضان على الأبواب والمسامح كريم....

    قلت ايه؟؟
  • dr.Hazemdr.Hazem مدير عام
    تم تعديل 2010/07/28
    و الله يا دكتور بالنسبة للصلحة انا ماعندي مشكلة مع حد أبداً ..بس بالنسبة للمنتدى هاد شي تاني ...
  • suzysuzy عضو ذهبي
    تم تعديل 2010/07/28
    بس تمام ما غلط بالمنتدى أبدا
    وما بدر منو أي تصرف يزعج حدا مننا ... والكل بيشهد بهالشي ...
  • dr.Hazemdr.Hazem مدير عام
    تم تعديل 2010/07/28
    طيب سوزي هو ترك المنتدى .... و بتمنى تسكرو على الموضوع ....
  • عاشقة العلومعاشقة العلوم عضو ماسي
    تم تعديل 2010/07/28
    يا دكتور حازممو لازمنهرب من الموضوع انا ماعم لومك بس قبل ما يكون المنتدى تمام هو صديقك ورفيقك من زمان يعني من وقت ما انا سجلت ع المنتدى وانتو صحبة شوصار يعني ع القلية عشرة الثلاث سنوات يلي انا شاهدة عليهن
    بالله عليكن والله انتو عقلكن كبير لاتخلو الشيطان يلعب فيه بعيدن الواحد يحاول ما يخلي اي شي يندم عليه بعدين مين درانا انورحنعيش لبكرا نحنا عالاقليلة اذا تفارقنا تقول القلوب رضيانة وماحدا داعي عحا او ساخط عليه
    بعرف انو الكل معصب والواحد احيانا لازم يتنازل وهادمو ضعف بس الضعف لما الواحد يعرف انو غلطان وبيظلومصمم عرأيو بظن انو تمام اكيدمستعد للصلح
    اكيد انتوكبار والغلطان عارف حالو
  • د.مفدى زهور عديد.مفدى زهور عدي عضو ذهبي
    تم تعديل 2010/07/28
    خلاص الموضوع يعتبر منتهي وبانتظار عودة الأخ تمام والأمر راجع له..

    وكتر خيرك دكتور حازم...

    وكما توقعتك قلبك كبير وطيب....

    الموضوع انتهى وأقفل...
  • dr.Hazemdr.Hazem مدير عام
    تم تعديل 2010/07/28
    و الله يا عاشقة العلوم مو أنا يلي إلتلو تروك المنتدى هو تركو لحالو ...
الموضوع مغلق.