حماصة وبس والباقي كلو خس

TAMMAMTAMMAM عضو ذهبي
تم تعديل 2010/06/07 في المنتدى العام
في مدرس سأل طالب حمصي
بكرى انت لما تكبر شو بدك تصير

قلو ختيار




مرة واحد حمصي اتصل بالاستعلامات

قلها عطيني رقم الاطفاء

قالتلو 999

قلها يعني تلات تسعات

قالتوو اي

قلها اي انا ما عندي غير تسعة وحدة

قالتلوو بالله مانك حمصي

قلها مركبي كاشف يا ملعوني



حمصي قال لصديقه : بتشرب قهوة

قال صديقه : اذا شربت قهوة ما بقدر نام

قال الأول : أنا بعكسك تمام بس نام ما فيني اشرب قهوة



مرة وحدة وقفت شوفير تكسي حمصي

وقالتلو : نادي الشباب

قلا : ناديلون انتي



حمصي يفتح البراد على مهله ليه ؟؟؟

عشان يعرف مين بيشعل الضو



حمصي سال رفيقو : ليش نشره الاخبار طويلة

قال : يمكن اليوم اخر حلقة



راح شامي لعند بياع فلافل حمصي

قاللوا عاطيني 3 ساندوتشات فلافل بدون مخلل
قاللوا البياع : ما عندي مخلل ، ساويلك ياهن بدون بندورة


: في ضابط بالجيش عم يقول للمجند الحمصي
لك هي ثالث مرة هالشهر عم تطلب مني إجازة

و كل مرة بتقول أنو جدك رح يموت

قام قال له المجند الحمصي : أيه و الله يا سيدي

و أنا كمان بلشت شك أنو جدي عم يكذب



في واحد حمصي سأل أبوه

قلوو ابي ابي : أيمت بدنا نوصل على أميركا

قلوو بابا خراس وسباح




: حمصي بسأل رفيقو

عمرو دياب أخو محمد فؤاد

رد عليه : لا يا أهبل تشابه أسماء


حمصي وقع عالدرج

عطاه الدكتور مرهم وقللو بتدهن محل ما وقعت

راح الحمصي دهن الدرج



حمصي اتهموه بالذكاء
طلع براءة


واحد حمصي اتفق هو ومرته الحامل

إذا إجالون ولد يسموه مبروك

قام وقت ولدت المره

طلعت الممرضة عبتقولو ألف ألف مبروك

قال : أوف وين بدي أروح فيون هادول كلون


في واحد ماشي بالشارع

شاف واحد قاله : وين الرصيف الثاني
قالو : هنيك مقابلينك

قالو : سألت هنيك قالولي هون




في واحد حمصي اشترى سيارة

حديثة bmw

لما فتح الراديو سمع : هنا لندن

قال : يفضح عرضها ما اسرعا



ليش الحمصي الصغير أذكى من الحمصي الكبير ؟؟
لأنو ما صرلو زمان حمصي



قال في مره حمصي بدو يعمل عملية انتحارية
قام فات على مطعم وضرب حالو بالسكين
قام ماتو تلاته من كتر الضحك



في طالبين وصلو المدرسة متأخرين
سأل الأستاذ واحد منهم وهو غضبان : وينك لهلا
قاله وهو عم يبكي : في ليرة ضاعتلي وكنت عم دور عليها
وما معي غيرها مصروف

وسأل التاني : وأنت وينك لهلا ليش متأخر؟؟

: قال له

كنت داعس عالليرة



ليش الحمصي بيلبس جرابات خضر ؟؟
لأنو خضر بيلبسلو جراباتو



في حمصي معه موز قاعد بالباص

بيقشر الموزة وبيغطها بالسكر وبيرميها من الشباك

كرر العملية أربع خمس مرات

سألوه الناس ليش هيك عم تعمل ؟؟

جاوب ببساطة أنا ما بحب الموز بسكر



مرة واحد وجعه ضرسه

قام راح إلى طبيب حمصي

قام الدكتور خلعله كل أسنانه عدا الضرس المنخور

صعق المريض وقاله شو عملت

قاله إي خليه مثل الكلب لحاله



تسعة حماصنة سموا أنفسهم الابطال الثلاثة


واحد حمصي لحق حرامي فسبقه


مرة واحد حمصي أحول طلّق مرت أخوه


ليش الحمصي لما ينام يضع تحت راسه خيارة
الجواب لأنو إذا حط بندورة بتنفعس



مرّة كان في واحد حمصي مسافر بالقطار وقعد جنبه واحد
فقال اللي جنب الحمصي:
انا بردان من الشباك
فقاللو الحمصي : تشرفنا وانا حمدان من حمص


كان في واحد حمصي وضع يده في برميل من حمض الكبريت

فعندما سحبها لم يجدها

فأدخل رأسه حتى يدوّرعليها



اثنين حماصنة كانوا عم يلعبوا شطرنج
من قد ما طولت المباراة معهم مات الملك بجلطة


حمصي راح لعند رفيقه يشكيله همه
قالو : إني ما عم اعرف غازل خطيبتي

قالو : اليوم روح معي وسماع أنا شو بقول لخطيبتي وتعلم

وتاني يوم راح هو وخطيبته عالبحر بالليل

قلها : شايفه القمر

قالت له : أيه

قالها خطيبة رفيقي أحلى منه



حماصنة سمعوا انو جاية عاصفة على حمص
فكتبوا أول حمص
درعا ترحب بكم



شو الشئ المشترك بين الديناصور والحماصنة الاذكياء؟؟
الاثنين انقرضوا


في أربعة حماصنة كانوا عم يلعبو على الأوتستراد
فاتفقو الي بيندعس أربع مرات بيطلع برة اللعبة



في واحد حمصي اتصل بالإطفاء

وقال شو إذا ما في حريق ما منشوفكن؟؟



حمصي قال للشامي : واجعيني عيوني

وعم شوف طول النهار نقط سودة بعيوني
قله الشامي : شفت شي دكتور عيون؟؟
قله الحمصي : لأ شفت بس نقط سودة


في ياباني فات على بقالية بحمص

بدو يشتري عشر علب كولا

: وقال للبياع
كوميهاني سيبه كولا
: قام رد البياع الحمصي

بدك عشر علب شو



حمصي سمى ابنه على اسم أبوه

بابا


حمصي راح يشيع بجنازة
سأل واحد : شو بيشتغل الميت

قال : يحفر قبور

: قال الحمصي

سبحان الله من حفر حفرة لاخيه وقع فيها



في صحفي سأل حمصي : كم نسبة البطالة في حمص ؟

الحمصي : والله حمص كلها ابطال



شو بيكون مكتوب داخل أحذية الحماصنة ؟؟

الأصابع أولاً

التعليقات

  • cer44cer44 عضو مميز
    تم تعديل 2010/05/28
    ملعوووووووووبة ...................... حلوة

    مع انو انا حمصي بس يا اخي شو بدك بالحكي حسيت بالفخر والاعتزاز لانو حمصي ......
  • د.مفدى زهور عديد.مفدى زهور عدي عضو ذهبي
    تم تعديل 2010/05/28
    نكت حلوة وساخنة بتفرط من الضحك....شكرا لك....
  • TAMMAMTAMMAM عضو ذهبي
    تم تعديل 2010/05/28
    Cer44 ع راسي حارتك كلها .................... حمص دار العز ولي الفخر بجوارها بس محدا سألني ليش نزلت هالنكت

    الصراحة افتقدت لصوفي وقلت لحالي وينها قمت نزلت هالنكت بركي إذا عم تدخل اترد علينا

    مشكور حكيم مفدى نورت صفحتي
  • sophisophi عضو مميز
    تم تعديل 2010/05/29
    بين الايادي تمام انا هنا بس بتعرف كان عندي امتحانات
    بس شو الك بالحكي
    احى شي العنوات حماصنة وبس والباقي كلو خس
  • TAMMAMTAMMAM عضو ذهبي
    تم تعديل 2010/05/31
    هههههههههههههههه اكيد ولو أقل منها صوفي ولا يهمك أنا سيف بظهوركم فيي عرق حمصي والدم بعمروا ما بيصير مي ......... الله يوفقك بامتحاناتك يارب ............... اهم الشي يكون عجبك العنوان والمحتوى
  • Dr.AhmadDr.Ahmad مدير عام
    تم تعديل 2010/05/31
    يا حبيبي عليك يا تمام .. و الله انك نهفة كل يوم مع حدا بس بجد نكت غير شكل

    اهلا فيك حكيم cer انا كمان الحماصنة غاليين عليي عشرة عمر و لو ههههه
  • TAMMAMTAMMAM عضو ذهبي
    تم تعديل 2010/05/31
    نورت أحمد شكرا لمرورك
  • كوثر كيوانكوثر كيوان عضو مميز
    تم تعديل 2010/06/01
    مشكور تمام عنجد نكت بفرطوا من الضحك يسلموا...........
  • TAMMAMTAMMAM عضو ذهبي
    تم تعديل 2010/06/02
    دكتورة مية مرحبا ومية وردة نورتي بس الصورة الخاصة ليش ما طالعة ؟؟؟؟؟؟ راسلي أحمد وخلي يشوف شو المشكلة
  • sophisophi عضو مميز
    تم تعديل 2010/06/02
    ههههههههههههههه تمام سيف بضهورنا الله يخليك ياسيدي
    اكيد المحتوى عجبني بس لولا هل النكته

    ليش الحمصي بكون غبي لما يكون خارج حمص ؟
    لأنه بكون خارج نطاق التغطية

    صدقني مانا خارج التغطية و الارسال عنا قوي كتيييييييييييييييييييييييير ههههههههه
  • TAMMAMTAMMAM عضو ذهبي
    تم تعديل 2010/06/03
    هههههههههههههه لا مابدها تدقيق هي مجرد نكتة وبس ............. وسبق وقلتلك أنا إلي جذور حمصية يعني اللي بيصير عليكم بيصير عليي ......... خيتو قال بيقولوا منهز الورد لنشم ريحتوا .............. وهي نحنا هيك ....... وحياة عينك رح احذف هالنكتة من المحتوى لأن أساسا مو كنت ما منتبه إلها
  • Dr.AhmadDr.Ahmad مدير عام
    تم تعديل 2010/06/03
    يا سلام على هالدعم ...... سيف لكن تمام و الله بيطلعلك
  • sophisophi عضو مميز
    تم تعديل 2010/06/04
    تمام لا تحذف شي امزح معك ,صحي انا حمصية بس بحكي نكت عالحماصنة كمان
    بس هاي النكتة تحديدا انا دوم بعلق عليها
  • TAMMAMTAMMAM عضو ذهبي
    تم تعديل 2010/06/05
    صوفي بجد انا ما بسمح لنفسي بهيك نكت تنتشر من طرفي بشكل عام كموضوع لكل الناس ........ لأني بحترم الأخرين وبأكدلك لو منتبه عليها أو بمعنى تاني مدقق ع محتواها كنت ما نزلتها من الأساس

    أنا بعرف انو روحك رياضية ومنشان هيك دوم بحب انكشك .......... خخخخخخخخخخخخ

    المهم هلأ لا تواخذينا بس الامتحانات مخليتني اربط ع راسي مفتاح
  • عاشقة العلومعاشقة العلوم عضو ماسي
    تم تعديل 2010/06/06
    احمد ربك لاني مو حمصية يا تمام هههههههههههه
    كتير مهضومين
  • TAMMAMTAMMAM عضو ذهبي
    تم تعديل 2010/06/06
    الحمد لله يا رب ................... نورتي نعيمة

    اهم الشي عجبوكم
  • sophisophi عضو مميز
    تم تعديل 2010/06/07
    ولا يهمك تمام عادي
    الله يوفقك بامتحاناتك