الأم الclassو الأم القوية

الرجل البخاخالرجل البخاخ عضو ماسي
تم تعديل 2010/04/12 في المنتدى العام
هذه المقارنة نبين لكم كيف توصي الأم الهاي ولدها قبل الذهاب الى المدرسة وبالمقابل شوفو الأم القوية شو بتقول لأبنها



الأم الهاي: لا تنسى مامي تاكل الكورواسو في البريك

الأم القوية: يمه... صندويشة الزعتر بالكيس اوعه يلطشوها منك

الأم الهاي: خليك عالرسيف لبين ما ييجي الباس واوعا من هدول اللي بيشحتو

الأم القوية: بتروح عالمدرسة دوز دوغري ويا ويلك اذا بعرف انك شلفت اليوم

الأم هاي: زي ما وسيتك ابعد عن الشلة النوتي اللي بتاكل السندويتش تبعك

الأم القوية: أوعى الاقيك ظارب الولاد زي امبارح هي معك كم ليرة اشتري اللي بدك اياه وبلاش تاكل صندويشات صحابك غصبة عنهم

الأم هاي: مامي دونت فورجيت لما ترجع ما رح تلاقيني في البيت عندي جيم متأخر اليوم خلي الشغالة تسخنلك البرغر

الأم القوية: بترجع من المدرسة عالدار على طول وبلاش صرمحة بالشوارع تراني عاملتلك صحن مجدرة من الآخر

الأم هاي: على فكرة المس كتير زعلانه منك وبعتتلي مسج انك صاير نوتي في الصف

الأم القوية: ولا... ابوك بقول انه الاساتذة بشدوا شعرهم منك.. دير بالك وبلاش تزعلهم ما اسمهم الا بني آدمين زينا

الأم هاي: مامي لما تروح لا تئتع الشارع واستنى بابي لما يوصل

الأم القوية: لما تقطع الشوارع لا تمشي زي الملطوش مش ناقصين مصايب بيكفي السنة الماظية اندعست عشر مرات

الأم هاي: على فكرة انا كتير كتير upset منك قالوالي شافوا بالهاند باغ تبعك سجاير

الأم القوية: قال بتحمل موس بشنطتك يا واطي... ولك خليك عالشفرة وهيها مستورة

الأم هاي: قول لسحابك ميمي وتوتو ييجوا على عيد ميلاد اختك نانا

الأم القوية: قول لصحابك عمر واسماعين ييجوا يتضلغصوا عنا بكرة حرام امهم ما بتعرف تعمل كرشات زينا

الأم هاي: مامي خليك كلاس مع المس تبعك ولو دليت هيك بجبلك موبايل جديد

الأم القوية: اذا رجع هاظا الاستاذ وظربك بالعصاي لا تحكي معه واتركني اروح اتفاهم معه هو مفكرنا لاقينك بالشارع

الأم هاي: كتبت شيك لاستاز اللانجلش والعربي والرياده وخليته مع الشغاله لما ييجوا اعتيهم اياه... اففففف تاخرت عالجوكينغ عاجبك هيك هلأ سوسو بتدايأ

الأم القوية: الاستاذ اللي قالكو انه ممكن يعطيكوا دروس خصوصي قوله روح لاقي امي بكرة بالوزارة يا شاطر:248:

_________________
ما رأيكم؟:242:
ملطووووووووووووووووووووووووووووووووووش

التعليقات

  • صيدولةصيدولة عضو ذهبي
    تم تعديل 2010/03/27
    عنجد حلووووووووووووووة كتير

    ياهيك اللطش يا بلا ..... يسلّمن
  • nehadnehad مشرف منتدى التغذية و الطب البديل
    تم تعديل 2010/03/27
    فعلا هيك اللطش
  • Dr.AhmadDr.Ahmad مدير عام
    تم تعديل 2010/03/28
    يسلمو احلى بخاخ فعلا متل ما قال نهاد ... يا هيك اللطش يا بلا
  • TAMMAMTAMMAM عضو ذهبي
    تم تعديل 2010/03/28
    ههههههههههههههههههههههههه مشكور بخاخ والله يعطيك العافية

    بجد حلوين كتير
  • عاشقة العلومعاشقة العلوم عضو ماسي
    تم تعديل 2010/03/28
    خخخخخخهههههههههه مشكور بخاخ بخة كتير حلوة
  • سوسنسوسن عضو نشيط
    تم تعديل 2010/04/11
    كتير حلو وبيضحك شكرا الك
  • كوثر كيوانكوثر كيوان عضو مميز
    تم تعديل 2010/04/11
    كثير حلو الموضوع وبضحك
    شكرا
  • dr.Alidr.Ali مدير عام
    تم تعديل 2010/04/12
    هههههههههههههههههه
    و الله ملعوبة و حلوة كتير