شي بجنن وبحير....

cigaroo

مرحبا...
يمكن أنا واحد من الناس اللي لاحظو أنو برامج الدردشة والتشات كتير اخدت حيز كبير من اهتمامات الشباب والصبايا...وهالشي طبعا بالفترة الأخيرة أنو تقريبا من شي سنة أو أكتر شوي
أنو قبل ماكنا كتير نسمع بهالمواضيع أو حتا نهتم فيها(هلق أكيد كان في ناس تهمن هالمواضيع ..بس حاليا صايرة الأغلبية عم تتوجه نحو التشات وخاصة البرامج اللي عالموبايلاتmig33,nimbuzz,morang,quep..........etc)طبعا وأنا واحد من هالشباب
بس كأنو هالموضوع طلع فجأة....
من النادر بقا تلاقي شب أو صبية مو محملين عموبايلهن نسخة من هالبرامج حتا لو كانو مابيستخدموها وبقولولك(اللي مو مغرمين بهالشي)انو أحيانا بعلمولي رفقاتي مشان نفوت ونحكي شوي أو بكون بدهن شي ضروري......الخ
غا حابب أعرف وجهة نظركن بالموضوع......وكمان سؤال هل أنت بتستخدم برنامج تشات؟وشو هوي؟؟وليش؟:52:

nehad

لا أستخدمه لأنه غير ضروري

عاشقة العلوم

الحقيقة في موبالي ما في هيك برامج والله موبيلي مهملاته كتير هههههه
اما في النت فانا ادخل على المسنجر والسكايب فقط بس مو لفترة طويلة لهيك اما مو من هوات الدردشة ولا الشات بكترة
احيانا بيكون فيه مصيعة كبيرة للوقت عنجد

TAMMAM

طيب بالنسبة إلي بكره الإدمان ع هالنوع من البرامج لأني بنزعج كتير لما بكون قاعد بسهرة مع رفقاتي وكل واحد فيهم ماسك الجوال ونازل شات بأحد البرامج


المهم أنا بستخدم برامج شات ع جوال بس مهمل موضوع الشات بشكل مو طبيعي ...... أنا فعلا من النوع يلي ذكرتوا بموضوعك الشات عندي بس لما بكون ضجران وبدي احكي مع حدا ....... أو لما بدون رفقاتي شغلة مني .......

أنا بستخدم ع جوالي برنامج المورانج أو الكنكا أو الميغ33 وطبعا كلهم بستخدمهم للدخول للهوت ميل ماسنجر فقط

بعمري ما فكرت أني ادخل شات روم ع برنامج الميغ أو ضيف حدا

بس ع فكرة موضوعك جميل وبيناقش موضوع متضايق منو كتير وخصوصي لما بتعمل سهرة لرفقاتك وهنن معك جسد بدون روح

sophi

مرحبا
انا برأيي عادة سيئة جدا منتشرة بشدة
عن نفسي ماعندي غير المسنجر عالموبايل ومابفتحو غير نادرا
هلأ المشكلة متل ماقال تمام بتكون قاعد بين مجموعة كل مين ماسك موبايلو وعم يكبس في , وكلو حكي فاضي مافي شي مهم
طيب ليش قاعدين مع بعض ؟؟؟؟

Dr.Ahmad

انا بحكي بصراحة انا بحب الشات جدا و تعلقت فيه من فترة قريبة لكني حاليا بضغط الدراسة مخفف كتير
اكيد وقت الفضا شي حلو انو تلاقي ناس يكونو فاضيين كمان و تحكي معن
بس اكيد انا بكره الشات ع الموبايل لانو بجد مضيعة وقت يعني اذا بدي احكي مع حدا بدخل الكمبيوتر اسرع و اريح
اضافة انو الشات عندي كتير ضروري لانو زميلي بالادراة ما بتواصل معو غير بالشات يعني لولا الشات الموقع كان موقف من زمان هههه

TAMMAM

أحيانا التكنولوجيا بيكون إلها مساوئ كتير عل الانسان

طبيبة جزائرية

سوف نتكلم بصراحة
انا كنت سابقا وليس الآن استعمل السكايب لم اكن مدمنة عليه ولكن احب الجلوس والتحدث مع اصدقائي تعرفت على اصدقاء واتشرف بصداقتهم ولولا السكايب لما تمكنت من ذلك
يكفي انني تعرفت على اشخاص من بلدان عربية تعرفت على طبيعتهم طريقة عيشهم , كانت امنيتي ان اتعرف على اناس من بلدان غير الجزائر
لكن على الموبيل موبيلي بسيط لا يحمل مثل هذه البرامج
ليس الخطأ في التشات ولكن المشكلة في الادمان
التعامل مع ناس من مختلف الاقطار يعلمك الكثير
وهناك شخص منكم زعلت منه كثيرا من اجابته يعني واكيد سوف يعرف نفسه على كل حال الله يسامحك

TAMMAM

طبيبة جزائرية كتب: »

وهناك شخص منكم زعلت منه كثيرا من اجابته يعني واكيد سوف يعرف نفسه على كل حال الله يسامحك

................................
&_&

صيدولة

موضوع حلو واجى بوقتو ..لأنو الشغلة كتير انتشرت بين الشباب والصبايا ..... وبرأيي هي مضيعة للوقت
وفيها كتير سيئات ... وطبعا ما بيخلو الامر من الايجابيات

انا من فترة نزلت احد البرامج ... كرمال نتواصل انا ورفيقتي فيه ..
وبسبب الفضول دخلت ع أكتر من غرفة دردشة ..(روم متل مابقولو) وانصدمت كتير ... حسيت بتضييع الوقت .. والاحاديث اللي ما الها طعمة ... هاد طبعا غير الدعوات الهائلة اللي اجتني ...( وطبعا اكيد كلها من شباب :238::238:)
كمان اجتني صور كتير ما كنت خاطر وافتحها ..(تحسبا :81:)
هاد كلو .. وانا لسه ما كنت تعرفت ع حدا

و لما رفيقتي سألت بأحد الغرف انو ليش انتو بتفوتو لهون .. كانت الاجوبة صاعقة بالنسبة لألي

هلء هالشي مابينفي انو هالبرامج الها ايجابيات .. بس لما تكون بايدين ناس يعرفو يستخدموها .... وهون المشكلة عنا

عاشقة العلوم

يععععععععععععع ياسمين ماكيش عليا ياخي انا منيش نهدر عليك نتي نحطك في عينيا ونغلق عليك
مي كين ناس والله تندمي على النهار الي عرفتيهم فيه
حنونتي هاد البيريود راني مقصرة معاك مي نوعدك بلي نعيطلك دعيلي برك حنونتي

طبيبة جزائرية

لالا اكيد راني عاذراتك وربي معاك ويوفقك ان شاء الله
راني نهدر على ناس وخدخرين عرفو رواحهم والحمد لله راح الزعاف انااللي مافهمتش مليح
راني نتبلى ههههههههههه قالك اجيني يابلى ولا نجيك

دكتوربالفطرة

الصراحة انا كنت مدمن شات وكنت اقعد ع الشات ساعات من ضجري بس ع فكرة طلعت بعدين شو استفدت ولا شي لان كل ما بتدخل بترجع من الاول لا اصدقاء ولاحدا بيعرفك يعني الموضوع ثرثرة ولعي فاضي
تضييع وقت ولغيتها من الوجود سواء ع الموبايل او النت الى ان جاء شخص وطلب مني ابحاث ع النت وصرت كوش ولوش بالنت شي فهمته وشي ما فهمته شي اله لازمة اخده وحمله ع الكمبيوتر لحتى عرفت شو هو المنتدى وشو بيقدر يعمل الواحد فيه وهيك لقيت دردشة بس بفائدة فيد واستفيد

عاشقة العلوم

اوكي حنونتي تخطي راسي كيما يقولو هههههههههههه
غي بشوي علينا يا سمين

TAMMAM

أكيد دكتور بالفطرة انو المنتديات فيها فائدة ولو أنو المنتدى بيخرج ببعض الأحيان عن الغاية المخصصة إلوا

بس هي الطريقة الوحيدة للجمع ما بين العلم والمرح وتقلليل الضجر

ع كل

ماكيش ,نتي ,البيريود ,راني ؟؟؟؟؟؟؟ شغلات مشفرة ياشباب أحترسواااااا

براعم

نيالو اللي عندو وقت...
مسا الخير طبيبة علميني شوي لهجتكم حلوة بس نص الحكي ما فهمتو
اوعك تكوني زعلولة الشباب و الصبايا بالمنتدى كلهم حبايب ...

Dr.Ahmad

دكتور بالفطرة يبدو موقفك شبيه بموقفي ... انا ما كنت ادخل عالشات مطلقا لانو كان عندي المنتدى ادخل قضي كل وقتي عالنت فيه و هون في كتير ناس محترمين و فهمانين و أكيد وقتي معن أفضل بكتير من غيرن لحد ما عطل المنتدى صرت ادخل عالنت و ما لاقي مين احكي معو لذلك توجهت للشات و هلق بعد عودة المنتدى و لله الحمد عدت و العود أحمد (( أنا و مو انا )) ... ههههه

دكتورة ياسمين - دكتورة نعيمة : انا بضم صوتي للجميع .... حاسس حالي متل الاطرش بالزفة !!

لولو

مرحبا الموضوع كتير حلو ومهم لأنو انتشر كتير بوقتنا الحالي
وأنا عن نفسي جربت من فترة قريبة فوت عموقع للتشات واتفاجأت بأنو كل يلي موجودين فيه عم يحكو بمواضيع مالها مهمة أبدا مجرد مسخرة وضحك مو أكتر
وطبعا حرمت فوت مرة تانية
وأنا من الناس يلي ماعندي غير برنامج ال e-buddy على الموبايل لفوت على إيميلي مو أكتر وأنا بأكتر الأوقات بفضل فوت من الكمبيوتر أكتر من إني فوت عن طريق الموبايل وكمان نقطة كتير مهمة قلتوها انو كتير شغلة بتعصب وبدايق اتكون قاعد مع رفقاتك ومشتاقلون واتشوفون مشغولين عنك بهيك شغلات
بشكركون كتير على هالموضوع واتشرفت بإني شاركت معكون فيه

دكتوربالفطرة

لا تقلي د.أحمد حتى المنتدى هون غير مو مجاملة بس بتحس بالالفة بين الاعضاء يعني بتلاقي مافي فرق بالتعامل بين الجميع ......يعني مسرور انو رجع

TAMMAM

دكتور بالفطرة وأحمد يمكن أنتو بلشتوا تحكوا بشي تاني غير المقصود من هالموضوع

وهو الشات على الانترنت بشكل عام وليس برامج الشات عل الجوال

وهي كمان شي تاني

طبيبة جزائرية

حبيت اترجم لكم الكلام الذي دار بيني وبين نعيمة حتى تتعلمو اللهجة الجزائرية شوي وشرف لينا انكم تريدون ذلك
"يععععععععععععع ياسمين ماكيش عليا ياخي انا منيش نهدر عليك نتي نحطك في عينيا ونغلق عليك" معناه: يعني ياسمين انتي لم تقصديني انا ’ انا لم اتحدث عنك انت اضعك في عيني واغلق عليك
"مي كين ناس والله تندمي على النهار الي عرفتيهم فيه" معناه: لكن هناك ناس تندمين على اليوم الذي تعرفتي عليهم فيه
"حنونتي هاد البيريود راني مقصرة معاك مي نوعدك بلي نعيطلك دعيلي برك حنونتي" حبيبتي هذه الايام او المرحلة قصرت معاك ولكن اعدك ان اتصل بك ادعيلي حبيبتي

اما ماقلته انا:
"لالا اكيد راني عاذراتك وربي معاك ويوفقك ان شاء الله"
"راني نهدر على ناس وخدخرين عرفو رواحهم والحمد لله راح الزعاف انااللي مافهمتش مليح" معناه: انني اتكلم اناس آخرين ولقد عرفو انهم المقصودين والآن لست زعلانة والخطأ كان في انا لأنني لم افهم ماقصده
"راني نتبلى ههههههههههه قالك اجيني يابلى ولا نجيك" انني افتعل المشاكل وكما يقال عندكم يا قاعدين يكفيكم شر الجايين

TAMMAM

هههههههههههههههههههه عجبني الموضوع كتير والنقاش الحماسي اللي دار بينكم

لا نعيمة لا تاخدي ع خاطرك أبدا مي كين شي رونغ بالقصة لأن بالبريود الماضية كان في شوية تداخلات واستقلابات راني المقصود بكلامها بس مشي الحال بعدين ريزولت لشي باد آيديا .........

شفتوا اتعلمت بسرعة..........

طبيبة جزائرية

ههههههههههههه
تمام انت وحدك

بدر الصحراء

انا اكره الشات بالدم لما لها من مضار وارى كيف تضيع الوقت رغم انها لها منافع ولكن نحن لا نستخدم الا الجانب السيء من التكنولوجيا هذا هو حالنا دائما دخلت مرة على السكايب ولم اعد الكرة
وانا لا انكر ان الشات لها مزايا ولكنها قليلا ما تستغل

TAMMAM

Merci, Dr Yasmin
Avez appris votre langue rapidement
Un guide Aftnti

cigaroo

حلوة اراءكن كتير يا شباب ولو أنو البعض خرج عن الموضوع شوي
بضل التشات وسيلة حلوة لتضييع الوقت والتسلية...بس كمان وكتير من الأحيان رح تتعرف عناس أكابر
شكرا على المرور.....

TAMMAM

الله يسامحك سيغارو خرجت عن الموضوع للطف جو

بس ع كل هي بتعرفك ع ناس أكابر بس الأكابر مكانون مو بالشات تبع الجوال

مكانون بنمتدى حوار علمي أو أي نوع من المنتديات المحترمة وهالشي بيرجع كون غرف المحادثة ليس لها صلة بالانضباط وكثيرا منها على الجوال لا يتمتع بالانضباط الاخلاقي ....... بل هي مسرح كامل للتعارف لمن هب ودب ..... طبعا هاد رأي ويمكن يكون غلط بس هي تجربتي بغرف المحادثة ....