هل تنرضى أن يصارحك أحد يعيوبك ؟

محمد حلبيةمحمد حلبية عضو ماسي
تم تعديل 2009/09/12 في المواضيع العامة القديمة المستردة
من بعد قراءة آراءكن بموضوع التسميع ...... خلونا نحط حالنا بموقف الذي يتبقى النصح و أو الكلام و بغض النظر عن طريقتو و هون بيجي سؤال لكل منا و يمكن لازم نصارح أنفسنا فيه ؟ و اختلاف الراي لا يفسد للود قضية ........ بارك الله بكم

هل ترضى أن يصارحك أحدهم بعيوبك أم ستعتبرها وقاحة أو رحم الله امرا أهدى إلي عيوبي ؟

هل يعرف كل منا عيوبه بشكل واضح ؟

شو الطريقة إللي تفضلها لسماع النصيحة بشكل مباشر أو بالتسميع ؟

التعليقات

  • مجهول
    تم تعديل 2009/09/09
    بيشرفني بكون اول من يجاوب عموضوعك اخي

    هل ترضى أن يصارحك أحدهم بعيوبك أم ستعتبرها وقاحة أو رحم الله امرا أهدى إلي عيوبي ؟

    انا بتقبل راي الناس فيني وبحب يصارحوني بعيوبي احسن ما يحكوها لغيري حتى اسمع انو حكو في ظهري بعيوبي وهاد اشي كتير تضايق منو ومتل ما قلت رحم الله امرا اهدى الي عيوبي

    هل يعرف كل منا عيوبه بشكل واضح ؟

    اكيد بس الي بيتعامل معك يعرف عيوبك اكتر منك لانو يمكن نحنا ما نتقبلها كعيوب

    شو الطريقة إللي تفضلها لسماع النصيحة بشكل مباشر أو بالتسميع ؟

    والله بشكل مباشر بيكون احسن


    مشكور ع الموضوع اخي
  • مجهول
    تم تعديل 2009/09/09
    السلام عليكم ورحمة الله وبركاته
    [align=justify]تبدو فكرة معرفة آخر بعيوبك مزعجة ،لكن قد يكون وراءها حكم جلية،و انا احبذ ان لا يكون الاخبار بالعيب بشكل مباشر،و الاروع من ذلك ان اكتشف بنفسي،بوقفة مع النفس و الفكر و المحاسبة ،و سبحان الله احيانا يكتشف العبد ما يكتشف بسبب غريب ،قد يكون برؤيته حشرة صغيرة......و ما اجمل الرفق ،فما كان الرفق في امر الا زانه و ما غاب الرفق عن امر الا شانه.
    اظن ان درجة معرفة كل واحد بعيوبه متوقفة على عدة امور منها:مدى قربه من الله،همته في طلب العلم،و سعة تفكيره....
    اردت اضافة سؤال:ترى الى اي حد ينجو صاحب العيب او الخطا الذي تداركه من ان يقع فيه مجددا؟    [/align]
  • مجهول
    تم تعديل 2009/09/10
    هل ترضى أن يصارحك أحدهم بعيوبك أم ستعتبرها وقاحة أو رحم الله امرا أهدى إلي عيوبي ؟

    اكيد برضى بس طبعاً باسلوب يعني مو بطريقة التجريح وبالعكس يمكن ينبهني لشي عيب انا مو شايفتو
    هل يعرف كل منا عيوبه بشكل واضح ؟
    كل واحد الو نظرتو الخاصة ويمكن انا شوف الشي صح بينما الناس تشوفو غلط او عيب يعني هذا بيتوقف على الناس اللي حوليك و نظرتون للاشياء يعني نحنا بنعرف بعض العيوب وبعضها الناس شايفتها ونحنا لأ
    شو الطريقة إللي تفضلها لسماع النصيحة بشكل مباشر أو بالتسميع ؟
    اكيد مباشرة
    :ترى الى اي حد ينجو صاحب العيب او الخطا الذي تداركه من ان يقع فيه مجددا؟
    والله حسب العيب والإرادة
    وشكرا اخي على الموضوع بارك الله فيك
  • Dr.AhmadDr.Ahmad مدير عام
    تم تعديل 2009/09/10
    موضوع شيق أبو طه بصراحة ما صرلي احكي بموضوع التسميع لكن رأيي فيه أني ضد ثم ضد ثم ضد التسميع بحب الانسان يكون واضح و اللي بدو يزعل بلا من أول الأمر ...

    بالنسبة لهذا الموضوع:

    هل ترضى أن يصارحك أحدهم بعيوبك أم ستعتبرها وقاحة أو رحم الله امرا أهدى إلي عيوبي ؟
    لا بالعكس تماما أنا بحترم الانسان اللي بقلي على عيوبي لكن أكيد لما يقلي بيني و بينوا ما يطلع على مادنة الجامع و يذيع عيوبي


    هل يعرف كل منا عيوبه بشكل واضح ؟

    بشكل بديهي ............ لا ........... لأنو لو بيعرفها كان صلحها لحالو


    شو الطريقة إللي تفضلها لسماع النصيحة بشكل مباشر أو بالتسميع ؟
    مباشرة لكن على انفراد
  • مجهول
    تم تعديل 2009/09/10
    طبعا انا كتير بحب حدا يصارحني ويدلني ع عيوبي وما دخلها بالوقاحة بس انا بتئبلها حسب الشخص الي طالعا منو.......

    ومو بالضرورة انو الواحد يعرف كل عيوبو ...لا في كتير تصرفات الواحد مابينتبهلها وما بكون آصد فيها شي ومابينتبهلها غير اذا حدا نبهو......

    طبعا انا ضد التسميع وبنفس الوقت ضد الكلام الدج.....في اسلوب للنصيحة وطبعا لازم تكون عانفراد وورواء ......


    مشكور عمار والله يجعلنا من المتناصحين في الله...........
  • محمد حلبيةمحمد حلبية عضو ماسي
    تم تعديل 2009/09/11
    هل ترضى أن يصارحك أحدهم بعيوبك أم ستعتبرها وقاحة أو رحم الله امرا أهدى إلي عيوبي ؟

    نعم بفضل هالشي و أكيد ما بعتبرها وقاحة فالدين النصيحة و لكن بحاول ناقش إللي نصحني ليش راى فيني هذا العيب فأحيانا قد يكون سوء تفاهم و إن أقنعني عندها بصلحو

    هل يعرف كل منا عيوبه بشكل واضح ؟

    يمكن مو كلها و بالنهابة الناس بتشوف غير إللي شايفو و تنبهني على أمور ما ملاحظها

    شو الطريقة إللي تفضلها لسماع النصيحة بشكل مباشر أو بالتسميع ؟

    بفضل الطريقة المباشرة لكن تكون بشئ من اللطف والأدب فالكلمةالطيبة صدقة .....و بالنسبة التسميع ضد كل أشكالو لأنو أحيانا المرء لا يأخذ الكلام بعين الاعتبار أو ما بيعتبرو إلو لما بيظن حالو ما يعمل شئ غلط ......و الله أعلم

    سؤال آنسة :
    ترى الى اي حد ينجو صاحب العيب او الخطا الذي تداركه من ان يقع فيه مجددا؟
    يمكن حسب الإرادة


    شكرا عاشقة العلوم - أنسة - whisper - أحمد - جيك على مروركن الحلو و إبداء الراي .......والمرء لازم ينمي فكرو بالاطلاع على أفكار الغير ......... بارك الله بكم لكم مني أجمل تحية
  • الفتاة الحالمةالفتاة الحالمة عضو شرف
    تم تعديل 2009/09/12
    بصراحة وبكل بساطة ليش بس بيني وبينوا

    مو يعملي فضيحة أمام الناس
  • محمد حلبيةمحمد حلبية عضو ماسي
    تم تعديل 2009/09/12
    tammam_kd كتب: »
    بصراحة وبكل بساطة ليش بس بيني وبينوا

    مو يعملي فضيحة أمام الناس

    مزبوط تمام فالكريم ينصخ و اللئيم يفضح ........زشكرا على مرورك و رحم الله امرا أهدى إلي عيوبي
سجل دخولكاو سجل حسابا للتعليق.