ليست قصيدة!!!!!!!

مجهول
تم تعديل 2009/08/30 في المواضيع العامة القديمة المستردة
بأول يوم دعت الوالدة ليّ...
و رحت على الكلية....
و قلت الوالد يشوف حاله بيّ....
و لكن المصاعب بدأت تنهال عليّ....
بأول سنة بالكلية :
كل خلية بجسمي ماتت تسمم بالكيميا العضوية
و بدراسة علم الجنين !!!!صار دماغي بعمر اليوم العشرين
و بتشريح الاطراف ماتت قدرتي على الاستئناف
أما بالوراثة صار لدماغي موت مبرمج و طفرات عصرية
بثاني سنة بالكلية :
صار بيني و بين الكيميا الحيوية علاقة أبدية
انحجزت بغرفتي الحزينة و صارت صديقتي الوفية ...
هي و محاضرات النسج وتشريح العصبية ...
و تكلست الفيزيولوجيا على صماماات قلبي الاذينية البطينية
بثالث سنة بالكلية :
عجزت الأعراض و التشخيص عن وضع تشخيص لحالتي المرضية
و صرت أصعب حالة تشخيص تفريقية ..
و السبب عبء الكيميا السريرية !!!!!!!
و بعلم المناعة ما ظل عندي من البيض و الحمر و لا كرية
و بالصحة و الاداب صارت الحياة عندي فكرة فلسفية .....و لكن بعيدة عن المنطقية
والفيزيولوجيا تكلست مرة ثانية على صمامات قلبي البطينية الوعائية
و بدراسة الادوية نسيت حروف الأبجدية ....
أخاف أكتب عن الجراثيم و الطفيليات و أظلم نفسي بالوصف
لكن صرت على الدراسة طفيلية
و صار عندي وسواس الموت بالمخبر بكائنات أقل من مجهرية
أموت و هدفي أحصل على 60% ....حتى اتنهد و افرح ....
لو بأربع مواد !!!!لكن ما راحت السنة عليّ؟؟؟!!!!!
16/8/2009
4:23 صباحا
(حقوق النشر محفوظة للكاتبة my friend )

التعليقات

  • dr.joandr.joan عضو ماسي
    تم تعديل 2009/08/28
    بالنسبة للوسواس هاد موجود عند كل الدراسين و العاملين بالحقل الطبي بس ....الستّار الله ..
  • الرجل البخاخالرجل البخاخ عضو ماسي
    تم تعديل 2009/08/28
    قصيدة تبكي الحجر..............
    شو هالمعاناة
  • مجهول
    تم تعديل 2009/08/29
    ممممممممممم هلق هيك بالطب البشري..........يا حرام
    مشكورة همس وعنجد الله يعينكون
  • مجهول
    تم تعديل 2009/08/29
    الله بعين ياهمس .......وبكرة بنشوفك أروع طبيبة.
    وهي الخاطرة عنجد مميزة وكتابتها مو سهلة
  • مجهول
    تم تعديل 2009/08/29
    عنجد معلناة متل ما قال احمد
  • الفتاة الحالمةالفتاة الحالمة عضو شرف
    تم تعديل 2009/08/29
    شكرا لك همس مشاركة جميلة
  • مجهول
    تم تعديل 2009/08/29
    هذه مواد صيدلة
  • مجهول
    تم تعديل 2009/08/30
    dr.hazem,dr.ali,.tammam,uhad,m.n.h., ريمي , طبيب بيطري شرفتوني بمروركم الجميل
    على فكرة يمكن الأزمة النفسية اللي بتصيب طلاب جامعة دمشق (حالنا) أشد ألم
  • مجهول
    تم تعديل 2009/08/30
    بكرة بتتخرجي وبتختصي وبتقصي بهالعملة وبينادولك يا دكتورة قد الدنيا
    هههههههههه


    وبتنسي المعاناة
  • Dr.AhmadDr.Ahmad مدير عام
    تم تعديل 2009/08/30
    كلامك مزبوط دكتورة و مو بس عنكم بالشام ... عنا بحمص الوضع ........ شغغغغغغغغغغغغغغغغغلة

    بكرة دكتورة بس تدخلي بالسنوات السريرية لتصير your friend تألف معلقات بدل القصائد الصغيرة
سجل دخولكاو سجل حسابا للتعليق.