اللهم إني صائم !!!!!؟؟؟ أنو و لو

محمد حلبيةمحمد حلبية عضو ماسي
تم تعديل 2009/08/30 في المواضيع العامة القديمة المستردة
اللهم أني صائم
عبارة يجب أن يقولها الصائم قبل أرتكابه للأفعال السيئة
تذكره بصيامه وتحول دونه ودون أرتكابه للمعاصي أحتراما لصيامه

ولكنها ومن خلال الأيام السابقة أصبحت كماسحة للذنوب برأي البعض ؟؟
حيث نلاحظ أن أحدهم أصبح يرتكب السبعة وذمتها وبعدين يقول اللهم أني صائم وخدو أمثلة
يعني شب واقف بنص السوق وبنوته حلوة مرت جنبو شرقها شرق بعيونو ولطش عليها وبس خلص اللهم أني صائم
بياع عم بيع بمحلو أذا ماطج طجلو شي 100 يمين كذب ليركز البيعة وبس خلص اللهم أني صائم
شوفير تكسي طحش على هاد ونعر هداك وسب عشر زلم وأخد بدل العداد تنين وبعدين اللهم أني صائم
موظف بمكتبو بدائرة حكومية لافف رجل على رجل وعم يتنرفز بالمراجعين يمين ويسار وبعد كل هاد بيقول اللهم أني صائم
بياع خضر وفواكي عم يعبي للناس ويدحوشلهن بالطلبيات شي مضروب وشي منزوع وبالأخر اللهم أني صائم
وشرطي واقف على هالأشارة وعم يرتشي من هاد ويتبلى هداك وبالأخر مابيقول اللهم أني صائم لأنو مفطر
ياناس ياعالم ياهو نحنا برمضان رمضان يعني شياطين الجن محبوسة
بس يلي عم تشتغل هي شياطينا شياطين الأنس

ورمضان كريم
وكل عام وأنتو بخير

منقول

التعليقات

  • مجهول
    تم تعديل 2009/08/27
    السلام عليكم ورحمة الله وبركاته
    للاسف الشديد
    شكرا جزيلا على هذه التذكرة
    جزا الله خيرا كل غيور على دينه.
  • مجهول
    تم تعديل 2009/08/28
    مشكور عمار
  • dr.joandr.joan عضو ماسي
    تم تعديل 2009/08/28
    عمّار إنت دست على الجرح بس من ناحية شب و لطش بنت ....
  • مجهول
    تم تعديل 2009/08/28
    مشكلتنا اننا اصبحنا نتهاون باشياء ربما تكون بسيطة في نظرنا ولكن لها معاني كبيرة وممكن تكون من اساسيات العقيدة عندنا
    الله يهدينا
    شكرا لك عمار
  • مجهول
    تم تعديل 2009/08/29
    لا حول ولا قوة الا بالله ........وحتى اذا شفت حدا معصب وعم يعيط بقولوا معش لانو صايم ........وكان الصيام صار هو السبب ...

    مشكور عمار
  • الفتاة الحالمةالفتاة الحالمة عضو شرف
    تم تعديل 2009/08/29
    شـكــ وبارك الله فيك ـــرا لك ... لك مني أجمل تحية .
  • مجهول
    تم تعديل 2009/08/29
    مشكور دكتور عمار
    عنجد هادا واقعنا
  • محمد حلبيةمحمد حلبية عضو ماسي
    تم تعديل 2009/08/30
    شكرا إخوتي على مروركن و إنشاء الله يكون رمضاكن كلو طاعة و مغفرة و عتق من النار ....... رمضان كريم للجميع
سجل دخولكاو سجل حسابا للتعليق.