طريقة عمل الشيشبرك (شيش برك)
مقادير العجينة:
2-كأس طحين منخول .
ملعقة صغيرة ملح
ملقعة كبيرة زيت
نخلط الطحين والملح والزيت و بعدين نضيف الماء شوي شوي ونعجن هتبقى العجينة طرية وما بتلزق باليد
ونتركها شي نصف ساعة ترتاح او ساعة مع تغطيتها بمنشفة مبلولة
مقادير الحشو :
نصف كيلو لحمة مفرومه
كميه بقدونس مفرومة صغير كتير (في ناس ما بيحطوها )
بصلة كبيرة مفرومة ناعم كتير كمان
ملح ،فلفل، بهار
نقلي البصلة لحد ما تدبل مش تنحرق او يتغير اللون
نضيف اللحمة والملح والبهار ونقليها كويس اوى
اخر شي نضيف البقدونس
ونترك اللحمة لتبرد ونحاول نشفها من الزيت لانه ما بيخلي العجينة تقفل اذا كان كتير
الطريقة بالصور :
نرق العجينة منيح بالشوبك او بألة العجين
نقطع العجينة بكاسةمدورة بس صغيرة او بألة التقطيع وكل ما كانت الدائرة اصغر اطيب واحلى ومنظرها حلو اكتر
بعد ما نقطع العجينة بشكل دائري ناخد كل دائرة ونضع بداخلها نصف ملعقة صغيرة من الحشو ونقفلها على بعض بشكل هلال
بعدين ناخد طرفين الهلال ونلزقهم ببعض متل الصورة
اذا بتحبوا تشيلوها فى الفريز دخلواها متل ما هى ولما يجمد العجين حطوها بكيس نايلون حتى ما ياخد حجم
طبخ اللبن :
3علب لبن زبادي العلبة 400غرام مش السائل لالاالجامد
اعلبة من اللزبادى بس فيها ماء فقط
3 ملاعق كورن فلاور كبار بس ممسوحين
ملعقة صغيرة ملح وبعدين ممكن نزيد الملح حسب الذوق
نضربهم بالخلاط اونخلطهم كويس اوى ونضعهن على نار متوسطة مش عالية حتى ما يلزق اللبن و نحرك ونحرك ونحرك ليغلي اللبن
نسقط الشيشبرك بهدوء ونتركه على نار هادية حوالى عشر دقايق لانه العجينة رقيقة وصغيرة
ممكن اللبن مع الكزبرة والثوم في ناس بتحبه سادة او مع انعناع
نعمل الكزبره ونحط ملعقة كبيرة سمنة ونضع كزبرة مفرومة ناعم وفصين ثوم مدقوقين
نحمرهم كويس فوق اللبن قبل ما نطفي بدقيقتين والف صحة وعافية:91::91::91:
التعليقات
الله يسلم هالايدين
هالأكلة بالذات ما كنت حبها ولا حطها بتمي بس بالفترة الأخيرة صرت آكلها
صحة ومية هنا للجميع
[/align]
شيف ابراهيم باينتها الأكلة كتير طيبة ............. الله يعطيك العافية
ممكن اسألك عن طريقة عمل المندي .... لو سمحت
لحظة....... لحظة طلب أخير لما بعمل كيك عم يعجن شوساوي؟؟؟؟
و ميرسي الك وايد
مشكورأحلى إبراهيم
يسلمو هالديات و صحتين و هنا
من زمان القمر ما بان
أهلين أبو طه والله باين عليك مفحم من الجوع
منور علوش بالنسبة للمندي ما عندي فكرة كون انها اكلة خليجية بس اذا بتحب بقلك على طريقة عمل الكبسة اللي هي قريبة من المندي
تحياتي نبيلو بتعرف الواحد لازم يعرف يطبخ بهالإيام و لا بدو من نية جنس حوى
أهلين أبو حميد حقك علينا يا غالي و بالنسبة للشيافة أنا جاهز و بقترح نعمل قسم بالمنتدى نسمي مطبخ العيادة السورية ههههههه
أحلى شباب و مبروك عليكم شهر رمضان و كل عام و أنتو بخير