البرغل Bulgur

محمد حلبية · 2009/08/10

البرغل Bulgur هو جريش القمح المسلوق وطريقة صنع البرغل من القمح هو سلقه حتى تلين الحبوب وتقارب النضج ثم تنشر في أماكن معدة لذلك وتترك حتى تجف تماماً ثم تجرش وتنخل فيزول عن الجريش قشور القمح.
يستعمل البرغل بكثرة في بلاد الشام. وقد أثبتت الأبحاث العلمية أن البرغل يلعب دوراً كبيراً في الوقاية من سرطان القولون وسرطان الثدي وكذلك مرض الداء السكري. كما يساعد في علاج أنواع من مشاكل الهضم وبالأخص الإمساك وذلك يعود إلى غنى البرغل بالألياف. يحتوي البرغل على مواد هامة جداً تلعب دوراً كبيراً في الحد أو علاج كثير من الأمراض، ومن أهم المحتويات الكيمائية للبرغل حمض الفريوليك ومادة اللجنان والحديد والفوسفور والزنك والمنجنيز والسيلنيوم والماغنسيوم وفيتامينات أ، د، ه، وبروتين ونشا ومواد سكرية بالإضافة إلى الألياف والتي لها علاقة بكثير من الأمراض وتأتي أهمية حمض الفريوليك في أنه يقوم بمنع النترات والنتريت الموجودة في كثير من الخضر والفواكه إلى مادة النيروسامين والتي تسبب مشاكل سرطانية، كما أن مادة اللجنان الموجودة في البرغل تعتبر من أقوى المواد المقاومة للسرطان خاصة سرطان الثدي والقولون، إن لهذه المادة خواص مضادة للأكسدة مما يعني أنها تلتهم جزئيات الأكسجين الخطيرة والمعروفة بالجذور الحرة قبل أن تدمر الخلايا المفردة. تقول دكتورة توسون " إن مركبات اللجنان تقهر التغيرات السرطانية بمجرد تواجدها وتعمل على تقويضها". لقد عرفنا كيف أن الجذور الحرة قد تؤدي إلى الإصابة بالسرطان، ونفس هذه الجزئيات الضارة يمكن أن تتلف الأوعية الدموية، وتهيئ الظروف للإصابة بأمراض القلب، إن مادة اللجنان الموجودة في البرغل تساعد في حماية القلب وذلك عن طريق حماية الكولسترول، والسؤال لماذا نريد أن نحمي الكولسترول؟ لأنه بكل بساطة عندما تتلف جزئيات الجذور الحرة للكوليسترول فإنه في الغالب يلتصق بجدران الشرايين ممهداً الإصابة بأمراض القلب ويتسم البرغل بأنه منخفض الجلوكوزمين، مما يعني أن السكريات التي يحويها تنطلق ببطئ نسبي إلى مجرى الدم، وهذا لا يحافظ على ثبات مستوى السكر في الدم فقط، بل يلعب دوراً في تقليل خطر الإصابة بأمراض القلب.
إن الحصول على المزيد من الألياف في الغذاء يساعد على خفض نسبة الكوليسترول في الدم ويقلل خطورة الإصابة بالسرطان وكذلك مرض السكر. بالإضافة إلى الوقاية من أمراض الجهاز الهضمي وبالأخص الإمساك ومرض البواسير. والبرغل معروف انه مصدر جيد للألياف، حيث إن فنجاناً مطهياً من البرغل يمد الجسم بأكثر من 8جرامات من الألياف أي حوالي ثلث المقدار اليومي.إن أغلب فوائد البرغل تأتي في الحقيقة من الألياف غير القابلة للذوبان، إن هذا النوع من الألياف لا يتحلل داخل الجسم، ويظل في الأمعاء ويمتص كثيراً من الماء وهذا يزيد من وزن الفضلات مما يجعلها تتحرك بطريقة أسرع في الأمعاء وتخرج من الجسم بسهولة كذلك المواد المحتمل أنها تسبب السرطان ولا يوجد لديها وقتاً لكي تسبب أي مشاكل. لقد أجريت دراسة في مركز كوزنيل الصحي في مستشفى نيويورك واستمرت طوال أربع سنوات، أجرى الباحثون دراسةعلى 58رجلاً وسيدة لديهم تاريخ مرضي في مخاط الأمعاء على الرغم من أن المخاط ليس ضاراً في حد ذاته إلا أنه بمرور الوقت قد يصبح سرطاناً، لقد ثبت من خلال هذه الدراسة أن الذين تناولوا البرغل زاد احتمال انكماش المخاط أو اختفائه تماماً لديهم من الذين تناولوا مواد قليلة الألياف.

و بالنهاية أشهى طبق تبولة من ربوع بلاد الشام الخضراء إلى الجزائرية المميزة عاشقة العلوم :Algeria[1]: و طبعا إنتي بتشرفينا إختي عاشقة العلوم قيمت ما بدك إنتي و كل أهل الجزائر ....لك مني أجمل تحية

مجهول · 2009/08/10

[align=center]تبولة
بسيطة يا عمار
العز للرز[/align]

الفتاة الحالمة · 2009/08/10

ههههههههههههههههههههههه يا سلام رديتلي الروح ع سيرة التبولة

مجهول · 2009/08/10

اها هلا هاد هو البرغل احنا نسميه تشيشة بنعمل بيه الحريرة الجزائرية في شهر رمضان مافي طاولة بالجزائر كلها تخلى من الحريرة في رمضان
بتعرف بس هلا كنت بعمل فيها هههههههههههههههه وامي كانت عم تطحن الشعير قبل شوي وهي الي نعمل منها البرغل كمان متل ا سميتوه
يسلمو
عازمتكم ع طبق حريرة جزائرية

مجهول · 2009/08/10

يسلمو اخي ع العزيمة الله يخليكم الي

مجهول · 2009/08/10

ممممممممممم.................يا عمار البرغل كويس وستي بتأووووول (البرغل مسمار الركب)

om67 · 2009/08/10

عاشقة العلوم كأن هذه الوجبة معكرونة

أنووووووووووووووووس سلملي على ستك

مجهول · 2009/08/10

لالا اخ محمد مو معكرونة احنا ما بنعمل معكرونة هيك بنوب
هي بتسبه الشوربا لكن بدل ما تحط شوربا بتحط هاد الي سميتوه انتو برغل وتخليها تلي لبعض الوقت وتحط بعض التوابل الموجودة في المغرب العربي يعني بتنصبع في البيت ومابيصير تصنع حريرة بدل هي التوابل

Dr.Ahmad · 2009/08/10

يسلموا عمار ......... و متل ما قالت ست أبو انس ( ايادو ) ... البرغل بسامير الركب ....... مع اني ما بحبو كثير

دكتورة نعيمة : يبدو الطبق طيب لكن ما فينا نحكم لنذوقو ........ لازم تبعتيلنا منو بالشحن .. هههههههههههههه

مجهول · 2009/08/10

اي والله رح يبرد ومايصير حلو هاد الطبق بناكل ساخن اي تعا للجزائر وبعملك ياه
اما عن الشحن رح ادرس الموضوع هههههههههههههههه

Dr.Ahmad · 2009/08/10

ما شاء الله دكتورة نعيمة عرفانة اني ما رح اجي عالجزائر لذلك عزمتيني ..... :191:
و يكتر خيرك فكرتي بالشحن :246:

عم امزح أكيد بتشرف بزيارة الجزائر الحبيب :8:

محمد حلبية · 2009/08/11

شكرا ريان - تمام - عاشقة العلوم - أنوس - محمد - أحمد و إخوتي الأعزاء كمان على المرور و الله يلسلملنا ستك حبيبي أبو أنس دكتورة من دون شهادة هههه الله يبارك فيها و فيك و حبيبي أحمد معقول ما تحب البرغل بعدين شلون رح تاكل التبولة :274:و خصوصي حبيبنا تمام عازمنا على على صحن تبولة هههه تمام يا صحن محلاية يا تبولة :191: هههه و عاشقة العلوم الحريرة ما عم تطلعلي بالصورة يعني استني شوي لشوفها قبل ما تحطيها بالشحن هههه الله يبارك فيكي

ملاحظة : لا تواخذوني يا جماعة نسيت حط بالمقال قول إنو منقول من جريدة الرياض عشان الأمانة العلمية لكم مني أجمل تحية

مجهول · 2009/08/11

ع فكرة يا شباب عمار عازمنا ع مجدرة فمنتمنى تشريفكن لألو بأقرب وقت ممكن......وصحتين وهنا سلفا وميرسي لأ لك يا عمار ع العزيمة وأنشاءالله أكيد مش حنردك خايب

محمد حلبية · 2009/08/11

هلا أخي أنوس و طبعا كل الأعضاء معزومين على أحلى أكلة مجدرة بس المجدرة أكيد رح تكون أطيب لما يكون جنبها صحن تبولة ههههههه لك مني أجمل تحية أحلى أنوس

مجهول · 2009/08/11

يا أخي والله العظيم شهيتنا ولو عمار بس وينك أتوصى بالمخلل واللبن بخيار بس من دون توم بليييييييييييز عشان البريستيج.....ههههههههههههه

مجهول · 2009/08/11

هههههههههههههههههههههه اي ليش ما تزور الجزائر ما بتعرف يمكن يقدر ربنا وتزورها انت والكل عموما بتشرفو امت مابدكم

الفتاة الحالمة · 2009/08/11

أنا معزوووووووووووووم ؟؟؟

مجهول · 2009/08/11

ولو يا تمام العزيمة ع شرفك أنت ...بتعرف أنت مقامك أكبر من المجدرة بس أنت حضار بيحضر واجبك........

مجهول · 2009/08/11

ع فكرة نسيت أسألك عمار أسم دولة بلغاريا جايي من البرغل شي؟؟؟؟؟؟؟

om67 · 2009/08/11

أنووووووووووس حاول تجمد عقلك ولا تفكر بس فكر مصيبة

Dr.Ahmad · 2009/08/11

يسلموا عاشقة العلوم أكيد عم امزح و رب العالمين شو بيقدر ..... هو أعلم

أبو انس أنا ماني معزووووووووووووم ............. يا خاروبة يا عازومة ههههههههههه يا تبولة بالنص

مجهول · 2009/08/12

اهلا فيك امت مابدك يسلمو الظاهر هي عزيمة للشباب مافي بنات هههههههههههههههههه

مجهول · 2009/08/12

ولو يا أحمد أنت من أول المعزومييييييييين..........................لك يا عمار شو صار بالمجدرة...

محمد حلبية · 2009/08/12

أهلا فيكن جميعا بما وقعنا ووقعنا ههههههههههههه بس و أخوي تمام و الله ما حلوة صحن مجدرة دون تبولة جيب هالصحن بإيدك او مافي عزيمة و الأرض مقابل السلام هههه قصدي

[align=center]
المجدرة مقابل التبولة
[/align]

مجهول · 2009/08/12

مممممممممممممم............................عمار من أولها لا تتهرب من العزيمة.... الشباب بدن ما ياكلو شي لحتا أنت تعزمهن....

الفتاة الحالمة · 2009/08/12

[align=center]شو عم اتقول عمار

بدي مجدرا أنا ومو بكيفك أنت عزمتني مبارح
[/align]

محمد حلبية · 2009/08/13

أنا ما دخلني هههههه

[align=center]
المجدرة مقابل التبولة
[/align]

الفتاة الحالمة · 2009/08/13

[align=center]مبلا دخلك ونص وخمسة ودكتورة نعيمة معزومة من عندي
[/align]

محمد حلبية · 2009/08/14

ماشي يا أخوي بس طولو بالكن شوي علي و بعدين إذا راد الله أحلى صحن مجدرة :274:هههه لأحلى لوفر و أنوس كل أعضاء العيادة السورية و طبعا عاشقة العلوم أول المعزومين و قبلك و قبل أنوس كمان ههههههه
بس تمام من هلق صحن التبولة :91:ما تنساه و رح ذكرك فيه عطول هههههه لك مني أجمل تحية

مرحبا بك في هذا المنتدى !

الأقسام

البرغل Bulgur

التعليقات

مرحبا بك في هذا المنتدى !

روابط سريعة

الأقسام

البرغل Bulgur

التعليقات