عصير الرمان يحمي من تصلب الشرايين

بســم الله الـرحمــن الرحيــم
السلام عليكــم ورحمـة الله وبركاتــة ،،
في أجواء الصيف الحاره نتلهف على المشروبات البارده المنعشه ,لكن من أجل صحتنا وحمايتنا من الأمراض علينا بالتركز على العصائر الطازجه ةالابتعاد قدر المستطاع عن المشروبات الغازيه أومشروبات الطاقه أو العصائر المعلبه ذات النكهات الصناعيه
.وخاصه اذا علمنا فوائد العصائر الطازجه

(عصـــــــــــــير الرمـــــــــــان)

والذي يحمل كنز من الفوائد .
تؤكد دراسه أمريكيه أن تناول كوب من عصير الرمان يوميا يمكن أن يقلل من احتمالات تصلب الشراين ويزيد من نشاط الاْْنزيم المضاد للأكسده ,كما يقلل من تأثر الكولسترول الضار في الشراين ويزيد من نشاط الاْنزيم المضاد للأكسده بمقدار20% .
وأوضح الباحثون من خلال أن عصير الرمان يقلل أكسدة الكولسترول .ويمكن أن يقلل من ترسبه على جدران الشراين ,مما يقلل ضغط الدم الشرياني ويضاعف مستويات المواد المضاده لللأكسده المفيده للصحه في الدم .
وللرمان فوائد صحيه عديده ,فقد أظهرت دراسه سابقه أن الرمان يفيد في تقوية القلب وطرد الدوده الشريطيه ,والمساعده في علاج الدوسنتاريا وعلاج الوهن العصبي والتهاب الغشاء المخاطي .
واذا شرب عصير الرمان مع العسل يعمل على تليين الأمعاء ويزيل الامساك ويساعد على تفتيح مجرى التنفس والصدر.

التعليقات

  • dr.joandr.joan عضو ماسي
    تم تعديل 2009/08/07
    أنا أول مرة بصراحة بسمع بعصير الرمان بس كل العصائر بشكل عام مفيدة و تقي من عمليات الأكسدة المضرة ...

    شكرة دكتورة على الإفادة ...
  • تم تعديل 2009/08/07
    العفو الرمان وعصير الرمان كتير حلوين
    اي كل الرمان لحالو ههههههههههههه
  • محمد حلبيةمحمد حلبية عضو ماسي
    تم تعديل 2009/08/07
    والذي يحمل كنز من الفوائد .
    تؤكد دراسه أمريكيه أن تناول كوب من عصير الرمان يوميا يمكن أن يقلل من احتمالات تصلب الشراين ويزيد من نشاط الاْْنزيم المضاد للأكسده ,كما يقلل من تأثر الكولسترول الضار في الشراين ويزيد من نشاط الاْنزيم المضاد للأكسده بمقدار20%

    مشكورة عاشقة العلوم على المعلومات المفيدة و الرمان و عصيرو بشكل عام ببلدان من الأدوية والماكولات الشعبية و خصوصي مع التبولة ممممم تاكلي أصابيعك وراها ههههه و طبعا ينصح الأطباء بها و خصوصي لأصحاب الوزن الزائد أو مرضى السكري و الضغط ...مشكورة عاشقة العلوم لك مني اجمل تحية
  • تم تعديل 2009/08/08
    مشكورة كتيييييييييييير
    عصير الرمان اطيب عصير خصوصا برمضان
  • تم تعديل 2009/08/08
    مشكورة عاشقة العلوم على هالمعلومة القيمة.
  • تم تعديل 2009/08/08
    بارك الله فيكم اخوتي جميل ان تستفيدو ا

    اخ عماروب بدي عزيمة لعندكم مشان اتذوق هي الاكلة الي قلت عناه
  • تم تعديل 2009/08/08
    شـكــ وبارك الله فيك ـــرا لك ... لك مني أجمل تحية .
  • تم تعديل 2009/08/08
    شكرا لك على هذه المعلومة
    عن النبي صلى الله عليه وآله وسلم : كلوا الرمان بشحمه فإنه دباغ للمعدة.
    وعن أبي عبدالله عليه السلام قال : الفاكهه عشرون ومائة لون سيدها الرمان.
    قال أمير المؤمنين عليه السلام كان النبي صلى الله عليه وآله وسلم إذا أكل الرمانه لايشركه فيها أحد.
    ولكن المشكلة عندي انني لا احب الرمان
  • تم تعديل 2009/08/08
    شكرا للاضافات ياسمين
  • Dr.AhmadDr.Ahmad مدير عام
    تم تعديل 2009/08/09
    شكرا عالموضوع القيم دكتورة نعيمة .......... الرمان هو الفاكهة الأولى بالنسبة الي و انا بوافقك تماما تماما

    ........ بعدين معقول ما بتعرفي التبولة !؟!؟!؟!؟!؟ .......... في حدا بالعالم ما بيعرفها

    2026.gif
  • تم تعديل 2009/08/09
    ههههههههههههههههههههه تشكر اخي بس والله ما بايد وضع النعناع جواتها بس رح اكلها
    مع اني ما بعرفها عنجد بس اسمعت عنها ههههههههههههههه
    تشكر اخي
  • Dr.AhmadDr.Ahmad مدير عام
    تم تعديل 2009/08/09
    انتي بس تشوفيها رح تنسى النعناع كلو
  • تم تعديل 2009/08/09
    ههههههههههههههههههههههه ماشي اخي
    بس بتعرف لو الجزائريين بيشوفو شكلها متل ما حطيتها فوق ما بظن راح ياكلوها هههههههههههههه
    صدقني احنا ما بنعمل هيك خلطات جوات الاكل
  • Dr.AhmadDr.Ahmad مدير عام
    تم تعديل 2009/08/10
    ليش شو بقلبها دكتورة نعيمة : بندورة - خيار - بقدونس - نعناع - ممكن خس - زيت - ملح - حمض الليمون أو ليمون - برغل منقوع

    هي بشكل أساسي و في ناس بتحط بصل و توم بكميات ضئيلة جدا
  • تم تعديل 2009/08/10
    شو هاد برغل
    بس نتعرف احنا في الجزائر ما بنحط البقدونس والنعناع بالاكل غير ناضجين
    احنا هي فينا نسميها سلطة بس ما نحط فيها نعناع وبقدونس
    بس شكلها حلو صدقني
  • محمد حلبيةمحمد حلبية عضو ماسي
    تم تعديل 2009/08/10
    هههههههههه أهلا و سهلا عاشقة العلوم بتشرفي قيمت ما بدك و البرغل عبارة عن جريش للقمح المسلوق بعدما يجف و إلو فوائد كتيرة كمان و خصوصي مع التبولة هههه و رح زلك موضوع كامل عليه وأحمد نسيت الرمان في عالم تفضل تحط دبس الرمان بدل الليمون و شوفففففففففففف الطعمة كيف ههههه
  • تم تعديل 2009/08/10
    اها لهيك طالع شكلو هيك
    يسلمو بس بتطبخوه هاد البرغل ما لاتقولو بس تحطوه بالمي وبعدين تطلعوه
    بتعرفة احنا بنعمل هاد للقمح في مناسبات محددة
    بس طعمو حلو بعد ماينطبخ
    يسلمو
  • Dr.AhmadDr.Ahmad مدير عام
    تم تعديل 2009/08/10
    لا عاشقة العلوم بالتبولة البرغل منقوع فقط بالمي دون طبخ و السلطة هي أكلة تانية مختلفة جزئيا : السلطة فيها مي أكتر أما هي ناشفة تماما و السلطة بياكلوها مع الاكل أما هي فهي طبق رئيسي بالضيافة

    و بالنسبة للقمح المسلوق ( بيسموه بسوريا : سليقة ) و هذا بيساووه بس لما يجي صبي أو يطلعو سنانو بيقولو هي سليقة على سنان الولد ( ولد = صبي أو بنت ) و أكيد بيحطو معها سكر فقط
  • تم تعديل 2009/08/10
    اها يعني انتو في سوريا ما بتهتمو انو يكون الاكل ناضج احنا عندنا لا بالجزائر معظم اكلاتنا لازم تكون ناضجة
    جرب هي الوصفة اخ احمد
    حط البرغل الي بينصنع من الشعير مو القمح في صحن كب عليه لبن وخليه لمدة ساعات حتى ييزيد حجم البرغل هاد ويصير سطح الصحن شوي قاسي
    وبعدين كلو كتي مفيد للصحة صدقني وطعموكمان حلو
  • Dr.AhmadDr.Ahmad مدير عام
    تم تعديل 2009/08/10
    يسلمو على الوصفة دكتورة ........ نحن بسوريا كمان منهتم بنضج الاكل أكيد لكن هي الاكلة ما بتتاكل غير هيك

    و الوصفة اللي عطيتيني ياها في اكلة قريبة منها بسوريا بس مانها معروفة كتثر اسمها " كبة حيلة " ما بعرف شو معناتها لكن الي معها ذكريات و لهلق اهلي بيضحكو عليي منها
  • تم تعديل 2009/08/11
    هههههههههههههههههههههه معلش عيد جربها ههههههههه
  • تم تعديل 2009/08/11
    [align=center]هههههههههههههههههههه أحمد تعا لعندي خود كم درس بالطبخ
    [/align]