بدي مسااعدة بلييييز

لموووشلموووش عضو جديد
تم تعديل 2011/10/12 في قسم الاستشارات الطبية
مسا الخير
انا محتارة كتير حابة اعرف اذا دورتي منتطمة ام لا
وماعم اعرف كيف لازم احسبا
تواريخ دورتي

13_5_2011
10_6_2011
14_7_2011
10_8_2011
9_9_2011

وحابة اعرف مدة الدورة الشهرية عندي

ياريت اتساعدوني ^^

التعليقات

  • وجيهةوجيهة مشرفة منتدى تربية الأطفال
    تم تعديل 2011/10/04
    يحسب طول الدورة من أول يوم لنزول دم الدورة إلى أول يوم من نزول دم الدورة التالية .

    الدورة الشهرية هي تغير نسب الهرمونات صعودا ثم هبوطا لدى أنثى الإنسان على مدى فترة تتراوح ما بين 21 و35 يوما .

  • Dr.AhmadDr.Ahmad مدير عام
    تم تعديل 2011/10/06
    شكرا لشرحك وجيهة .... و اسمحيلي قول انو مدة الدورة الطبيعية ما بين 22 و 40 يوم ... أقل من 22 يوم يسمى تقارب طموث و أكتر من 40 يوم يسمى تباعد طموث

    لو بدك تحسبي مدة كل دروة من اللي كتبتبن فهني كالتالي 27 - 34 - 26 - 29 ... الدورة غير منتظمة لكنها ضمن المجال الطبيعي

    طبعا هناك حسابات لمن تريد منع الحمل الطبيعي في حال الدورة غير منتظمة ... لو حابة تعرفي هالشي ممكن حط طرق الحساب ..

    ان شاء الله يكون جوابي حاليا كافي ..
  • لموووشلموووش عضو جديد
    تم تعديل 2011/10/07
    شكرا كتير لردكون

    يعني فيني اعتبر انو دورتي طبيعية ولا لازم شوف طبيبة ؟؟

    و لو بدي عزبك معي فيكي تحطيلي طرق الحساب ؟؟

    ميرسي الكون
  • Dr.AhmadDr.Ahmad مدير عام
    تم تعديل 2011/10/08
    فيكي !! تحطيلي !! .. عفوا بس يبدو اني شب !!!

    بالنسبة للطريقة هي التالي ... تطرحي 17 من أقصر دورة و تطرحي 11 من أطول دورة ... و الفترة اللي بينن ينبغي تجنب الجماع فيها ... طبعا نسبة الامان إذا اتبعت الطريقة بدقة تفوق الـــ 90%
  • لموووشلموووش عضو جديد
    تم تعديل 2011/10/12
    سوري عنجد ما انتبهت ماتواخذني
    يسلمو كتير ع ردك

    بس حابة اعرف لازم شوف دكتورة انو دورتي مو منتظمة ولا لاء؟؟

    ومافي طريقة خليها منتطمة ؟؟

    انا اسفة كتير عم اشغلك معي :$
  • Dr.AhmadDr.Ahmad مدير عام
    تم تعديل 2011/10/12
    مافي مشكلة لموش .. اهلا و سهلا فيكي

    مافي داعي تشوفي دكتورة غير اذا نقصت الدورة عن 22 يوم أو زادت عن 40 يوم ... و مافي داعي توجعي راسك بالتفكير لأنو كتير بنات دورتن مانا منتظمة و هاد أمر ما بسبب مشاكل طبية أبدا