دفتر تفقد

Dr.AhmadDr.Ahmad مدير عام
تم تعديل 2014/12/27 في ساحة الحوار و النقاش
السلام عليكم و رحمة الله و بركاته

في الفترة الاخيرة لاحظت غياب الكثير من الأعضاء النشيطين بشكل ملفت و بصراحة بالنا مشغول علين و بشكل خاص : د.عمار عدي .. د.مفدى .. حكيم نهاد .. صيدولة .. سوزي .. غاردينيا .. د.سما .. سارة Pharmakon .. عاشقة العلوم .. و كنت بدي ضيف : " لحن الحياة, وجيهة, حكيم " بس شفت نشاط الن و بعتذر بجد اذا نسيت حدا


بتمنى من كل الاعضاء الكرام و لو على الاقل ترك سلام او تحية أو اي شي يطمنا عنه كل ما يدخل الموقع .. لانو و الله بالنا عنكن و رجائي من الله أن تكونوا و أهلكم بكل الخير و الصحة و العافية و السلامة ...

بتمنى دعوتي تلاقي صدى ...
«13456

التعليقات

  • صيدولةصيدولة عضو ذهبي
    تم تعديل 2011/04/21
    اكيد دعوتك رح تلاقي صدى ... ومشكور على اهتمامك دكتور ...
    الظروف اللي مرينا فيها ... والحالة اللي عم نعيشا أثرت فيني كتير ... لدرجة انو اكتر من مرة حاولت ادخل وعلّق ع أكتر من موضوع بس مابقدر .. ومابعرف ليش ...
    مابدي احكي كتير مشان ما انقل مشاعر سلبية للغير .... ان شا الله منرجع كلياتنا متل ما كنا ... واكيد اكيد رح تبقى العيادة السورية المكان اللي بيجمعنا ورح نبقى عيلة وحدة دايما ...
    وبرجع بتشكرك على سؤالك... ويارب كل الاعضاء يضلو بخير دايما
  • Dr.AhmadDr.Ahmad مدير عام
    تم تعديل 2011/04/21
    اهلا فيكي صيدولة و الحمد لله عالسلامة ... و الله انا متلك ما عم اقدر رد على شي برغم تواجدي الهائل حقيقة على الانترنت .. من هيك حبيت خلي هاد الموضوع مشان و لو على الاقل ترك سلام عند الدخول من باب أنو نتطمن على بعضنا .. و انا بعرف انو الموقع كلو موقف بس ان شاء الله بتفرج الدنيا على أحسن حال و بكل خير و منرجع أحسن من ما كنا
  • حكيمحكيم مشرف حلقات البحث و الاستشارات الطبية
    تم تعديل 2011/04/21
    شكرا على لفتك الحلوة وقلبك الطيب اللي عودتنا عليه
    والله يادكتور حالنا من حالك بقى قول الله يفرج الهم ويهدي البال أحسن شي
  • suzysuzy عضو ذهبي
    تم تعديل 2011/04/23
    مشكور دكتور أحمد لفتة حلوة منك تسأل و تتطمن
    أنا بدخل بشكل مستمر بس عن جد ما قادرة حتى على الرد
    ان شاء الله يكونو كل الأعضاء بخير و ان شاء الله بتفرج و منرجع نشيطين متل ما كنا
  • غاردينياغاردينيا Foreign Languages Supervisor
    تم تعديل 2011/04/23
    بالبداية الله يرحم شهدائنا جميعا سواء باللاذقية أو بكل مدن سوريا والله يلهم أهلهم الصبر
    بتشكر اهتمامك د.أحمد بصراحة سمعت عن الموضوع من لما لهيك حبيت ادخل اتشكرك
    وبحب قول انو نحنا ماممكن ننسى العيادة بس صعب نتواجد وروحنا بمكان تاني
    مابعرف شو احكي بس الله يجعل بلدنا آمن مطمئن ويارب يجعل كيدهم بنحرهم
    ومافي شي مستحيل عند رب العالمين
  • Dr.AhmadDr.Ahmad مدير عام
    تم تعديل 2011/04/23
    شكرا كتير على حضوركم الغالي جدا على قلبي: حكيم - سوزي - غاردينيا ...

    متل ما قلت حكيم و الله الحال من بعضو و انا ماني قدران رد ابدا ... لكن حبيت يكون هالموضوع بس مشان نتطمن على بعض ... لانو أنا أول واحد عايش بحالة نفسية يرثى لها و متأكد انو كل الناس نفس الشي

    لذلك ... الله يرحم الشهداء و يلحقني فين ....

    و ان شاء الله بتفرج ... و نرجو من الله يعجل بفرجو ...

    من قلبي لكم جزيل الشكر ..
  • ميرةميرة المشرفة العامة
    تم تعديل 2011/04/26
    بارك الله بك د.أحمد على طيب السؤال ..
    نسأل الله الأمن والأمان ..والسلامة والاطمئنان ..
    وأن يجمعنا دائماً على خير وبركة ..
  • dr.Hazemdr.Hazem مدير عام
    تم تعديل 2011/04/26
    له يا أبو حميد أنا نسياني؟!!
    عكل حال السلام عليكم ورحمة الله وبركاته للجميع ....
  • وجيهةوجيهة مشرفة منتدى تربية الأطفال
    تم تعديل 2011/04/26
    شكرا كتير دكتور احمد على اهتمامك وسؤالك.... ماقصرت يا طيب


  • Dr.AhmadDr.Ahmad مدير عام
    تم تعديل 2011/04/26
    شكرا جزيلا لمرورك ميرة ... و بعتذر أني نسيتك بس ماني كتير واعي هالايام
    حازم و لو أنت منا و فينا بعدين انت مطمن عليك و عم شوفك ^^
    وجيهة: الله يبارك فيكي و الحمد لله في تجاوب


    بتمنى منكن كلكن تضلوا تطمنونا عن حالكم كل ما دخلتوا ... و بتمنى بقية الاخوان الاعضاء الكرام يطمنونا عن حالن .... بالي و الله عند أخي حكيم نهاد
  • هبةهبة عضو نشيط
    تم تعديل 2011/04/26
    شكرا للتفقد والسؤال
  • Dr.AhmadDr.Ahmad مدير عام
    تم تعديل 2011/04/28
    اهلا و سهلا فيكي هبة ... و الحمد لله دائما بتطمنينا عنك بمشاركتك الدائمة ..
  • Ph.SamaPh.Sama مشرفة منتدى تطوير الذات و NLP
    تم تعديل 2011/04/28
    مشكور دكتور أحمد ع السؤال.. من جهتي بعتذر من الكل لتقصيري هالفترة .. بسبب الأوضاع أولاً و بسبب تعطل كمبيوتري ثانياً ... عيلة العيادة عيلة غالية عندي كتير ... تعودت ع الكل بسرعة رغم قصر فترة تعرفي عليكم... رحارجع قريباً بقوة هاد وعد بس لأشتري كمبيوتر جديد و ساعتها لحقولي إذا بتقدروا ههههههههههههه بتمنى الكلل يكون منيح و الله يحمي الجميع بهالأيام الصعبة
  • جادجاد عضو نشيط
    تم تعديل 2011/04/28
    نسيتنا يا دكتور
  • Dr.AhmadDr.Ahmad مدير عام
    تم تعديل 2011/04/28
    الحمد لله طمنيتنا عنك د.سما و بتمنالك الخير و كمبيوتر جديد :)

    حقك على راسي أخي جاد ... بس بجد انا فاقد التركيز هالايام و الحمد لله انت في السعودية اوضاعكم مستقرة :) .. ان شاء الله دائما مستقرة
  • عاشقة العلومعاشقة العلوم عضو ماسي
    تم تعديل 2011/04/29
    شكرا لاهتمامك دكتور بس ظروفي معروفة يعني لا تواخدوني اذا غبت كتير عنكم
    ان شاء الله الكل بخير
  • جادجاد عضو نشيط
    تم تعديل 2011/04/29
    Dr.Ahmad كتب: »
    الحمد لله طمنيتنا عنك د.سما و بتمنالك الخير و كمبيوتر جديد :)

    حقك على راسي أخي جاد ... بس بجد انا فاقد التركيز هالايام و الحمد لله انت في السعودية اوضاعكم مستقرة :) .. ان شاء الله دائما مستقرة


    الله يسلمك يا دكتوري العزيز
    لكن انا من اسبوع رجعت من سوريا للسعودية
    و لله الحمد كل شيء تمام
  • Dr.AhmadDr.Ahmad مدير عام
    تم تعديل 2011/04/29
    اهلا و سهلا فيكي دكتورة نعيمة و الحمد لله انك بخير و الجميع لله الحمد بخير

    الحمد لله عالسلامة دكتور جاد
  • دكتوربالفطرةدكتوربالفطرة عضو مميز
    تم تعديل 2011/05/21
    الله يحميكم لكم سلامي جميعا أنا متابعكم لنا لقاء وعودة ان شاء الله ................
  • suzysuzy عضو ذهبي
    تم تعديل 2011/05/22
    كيف الجميع ؟
    من زمان ما مبين دكتور بالفطرة الحمد لله على السلامة
    الحمد لله على السلامة جاد
    سما موفقة بكمبيوتر جديد و ان شاء الله منتطمن عنك قريبا
    وجيهة يسلمو على النشاط الحلو و ما تواخذينا ما عم نقدر نرد
    دكتور أحمد يمكن هلأ امتحاناتك موفق
    أنا و صيدولة و غاردينيا بخير و الحمد لله
  • Dr.AhmadDr.Ahmad مدير عام
    تم تعديل 2011/05/22
    اهليييييييييييييين و سهلين دكتور بالفطرة ... اشقنالك أخي .. و شكرا عالطلة و لا تنسى تطمنا عنك دائما
    اهلا و سهلا دكتورة سوزي و الحمد لله عالسلامة و ريلي ثانكس انك طمنتينا عنك و عن اخواتنا باللاذقية الحبيبة

    اما عن امتحاناتي و الله ما بعرف شو هي الدراسة من شهرين .. بعين الله .. انا امتحاناتي بالسابع أو بالتاسع ... ادعولي اقدر ادرس !!!
  • Dr.ShoShoDr.ShoSho عضو مميز
    تم تعديل 2011/05/23
    الله ييسر للجميع يآآآرب

    : )
  • وجيهةوجيهة مشرفة منتدى تربية الأطفال
    تم تعديل 2011/05/28
    الله يحميكم , ويسرلكم , وينجحكم ,و يرجعكم بالسلامة للمنتدى

    صديقتكم المحبة لكم جوجو

  • Dr.ShoShoDr.ShoSho عضو مميز
    تم تعديل 2011/05/28
    وجيهة كتب: »
    الله يحميكم , ويسرلكم , وينجحكم ,و يرجعكم بالسلامة للمنتدى

    صديقتكم المحبة لكم جوجو



    آآمين يآآآربـ : )
  • Dr.AhmadDr.Ahmad مدير عام
    تم تعديل 2011/06/10
    السلام عليكم

    مسا الخير جميعا و بعتذر عن غيابي لفترة طويلة عن المنتدى ... الحمد لله لسه عايشين ... ادعولي اقدر ادرس !!
  • غاردينياغاردينيا Foreign Languages Supervisor
    تم تعديل 2011/06/10
    الحمدلله على السلامة دكتور أحمد وبتمنى الانو الجميع يكونوا بخير

    وبطلب انو تدعولنا تمر ليلتنا على خير اليوم باللادقية
  • Dr.AhmadDr.Ahmad مدير عام
    تم تعديل 2011/06/10
    الله يسلمك غاردينيا ..

    الله يحميكن و يوفقكن و يبعد عنكن الأذى و نسأل الله ألا يفجعنا بأي انسان كريم من اخواننا و أخواتنا في كل البلاد
  • وجيهةوجيهة مشرفة منتدى تربية الأطفال
    تم تعديل 2011/06/10
    الله يحميكن ويكون معكم غادرينا انتى وكل اهل سوريا ....


    الحمد لله ع سلامة دكتور احمد نورت المنتدى بعد طول غياب..... ربي يوفقك وينجحك ويكون معك...

    تحياتي
  • Dr.ShoShoDr.ShoSho عضو مميز
    تم تعديل 2011/06/11
    الله يحميكم ويريح بالكم ياارب

    بالتوفييق : )
  • دمعة فرحدمعة فرح عضو مميز
    تم تعديل 2011/06/12
    انا بعذر الدكتور احمد انو نسيني بس يمكن لانو طلاتي صارت قليلة كتير انا بفتح المنتدى كتير بس بهالاوقات حاسة انو مو قادرة كون بنفس نشاط زمان الله يفرج احسن شي
    وانشالله الكل يكونو بخير