الملف الشخصي
مشاهدة مشاركات المنتدى
رسالة خاصة
اظن انه يجب اضافة قسم للترفيه في هذا المنتدى
قسم كهذا موجود في كل المنتديات ولا افهم لما هو غير موجود هنا
ارجو ان يؤخذ الامر بعين الاعتبار ومشكورين سلفا
|
نريد قسما للترفيه
اظن انه يجب اضافة قسم للترفيه في هذا المنتدى
قسم كهذا موجود في كل المنتديات ولا افهم لما هو غير موجود هنا
ارجو ان يؤخذ الامر بعين الاعتبار ومشكورين سلفا
طيب انا أوئيد ...
الصيدلاني حازم جهاد عدي
syrianclinic.com administrator
email :hazemadi@syrianclinic.com
mob:+963(955)753 993
هههههههههههههههههههههه حازم أنت تؤيد هههههههههه ... عراسي اي ما تكرم بس يا ريت تبين شو نوع الترفيه !!! او شو ممكن يكون عنوان هيك قسم ,,, ما عندي أي مشكلة
بس من ناحية انو مافي قسم ترفيه ... بالاسم مافي لكن المنتدى العام في مواضيع للترفيه ... بس قلتلك لازم توضح شو نوع الترفيه أو تحط مثال !! و لا شو رأيك حكيم
سبحان الله و الحمد لله و لا إله إلا الله و الله أكبر و لا حول و لا قوة إلا بالله العلي العظيم
هههههههههههههه
ياسيدي انا بعطيك مثال
عنوان الموضوع ........قالك مرة واحد حمصي
هههههههه ههههههههه
بسيطة ما رح نختلف عالاسم فينا نسميه قسم الترفيه اذا بدنا شي جدي وقسم الفرفشة اذا بدنا شي هزلي وقسم الضحك وقسم النكت وقسم الطرائف وقسم ابتسم وقسم روح عن نفسك وقسم تعال نضحك( وقسم ههههههههه على قولة عاشقة العلوم ههههه) وقسم .........وقسم.....يعني ما في فرق طالما في شي من اسمو ببيرسم البسمة
وبالنسبة للمنتدى العام الله وكيلك يا دكتور احمد من القلة عم نحط فيه الشغلات اللي بضحك لأنو مالها مكان يستقبلها غيرو ولا لتكون خايف يهجروا الجماعة بقية الاقسام ويدمنوا عليه (بصراحة كتير من الناس اول شي بيفتحوا على قسم الترفيه يا زلمة الناس عم دور عالبسط بسراج وفتيلة..)
على فكرة شو الغريب انو حازم يأيد الفكرة خليتني اخد انطباع عنو انو جدي كتير ......
ههههههه اي فيا وجهة نظر شو عليه !! .. فكرة حلوة بس انا حابب اعرف كمان شو ببال حكيم ؟؟ بركي ببالو فكرة تانية غير الحماصنة ههههههه ( مع حبي و احترامي لكل احبابي الحماصنة )
سبحان الله و الحمد لله و لا إله إلا الله و الله أكبر و لا حول و لا قوة إلا بالله العلي العظيم
لاتستغرب انو ايد الفكرة انا استغربت لما الدكتور احمد قبل الفكرة ههههههههههههههه انا قلت اكيد رح يرفض تماما
معلومة جديدة الك اخي حكيم اكثر شخصين جديين في المنتدى الدكاترة حازم واحمد
هاه الحماصنة كمان احبابي فلبقى توجه الاضواء من جهتي دكتور احمد انا بس حبيت اعطي مثال مثل ما طلب اخونا ههههههههههههههه
شو هالفكرة اللي اخدتيا عني نعيمة ... هلئ بيجوز معك حئ انا بضل اخد الشغلة جد بس أكيد بحب اتسلى شو ماني بشر .. هههههههه
خلص نعيمة بعد هالقرار الحاسم اللي اخدتو انا لازم تغيري هالفكرة الصارمة عني ....
هلئ بس وضحولي الطلب يعني مثلا بالمنتدى العام في كتير مواضيع ترفيهية ... يعني المقصود منتدى جديد باسم ترفيهي او شو ؟؟؟؟؟؟ وينك حكيييييييييييييم
سبحان الله و الحمد لله و لا إله إلا الله و الله أكبر و لا حول و لا قوة إلا بالله العلي العظيم
انا هون بين الأيادي.
له له شو القصة د. أحمد عامل ديكتاتور بالمنتدى ومرعب الكل, الله يسامحك عاشقة العلوم كنتي قليلي بالأول بس شوفي تقييمي الشخصي لأبو حميد أنوشخص كتير اجتماعي ومرح وبينحب بس جده مو جديته (يعني مثابرته وتفانيه ) بتحسس الواحد أنو جدي وما بينحكى معو بقى يا هو هيك فعلا يا أما .....................................أيامي بالمنتدى صارت معدودة!!
وبالنسبة لقسم الترفيه هو قسم منفصل عن المنتدى العام بس ضمن استراحة العيادة (أصلا ما بعرف كيف اسمها استراحة وما فيها قسم ترفيه؟؟) يعني متل مافي قسم رياضي وقسم تقني لازم يكون في قسم للترفيه منحط فيه الطرائف ,النكت,الكاريكاتورات ,المقالب . ........يعني قسم للترويح عن النفس والضحك ,ويا سيدي أنا بضمن يكون فيه مشاركات جديدة دائما ....موهيك شباب العيادة .
طيب وين التأييد من بقية الأعضاء .......شو أنا لحالي بدي طالبلكن بحقوكن....................هلللو ........وينكن؟؟؟
مسا الخير جميعا بما انو الموضوع انطرح على المستوى العام فحبيت أنا كمان انو قول رأيي
بالنسبة إلي أنا اختصاصي انكلش واهتماماتي ماإلها علاقة بالطب بس أول مادخلت منتديات العيادة
حسيت انو هاد هو المكان اللي ممكن كون أنا فيه لأنو شفت فيه المعلومة المفيدة والمسلية بنفس الوقت اللي افتقدتها كتير
لما كنت اتنقل بين المنتديات وخاصة السورية لهيك بالنسبة إلي أنا بيكفيني المنتدى العام اللي فيه الترفيه والفائدة بنفس الوقت
وبتمنى اذا انفتح قسم جديد للترفيه يكون على مستوى بقية الأقسام هون بالعيادة مو متل أقسام الترفيه بباقي المنتديات
بتمنى تتقبلوا مروري ورأيي
ضوابط المشاركة
رد مع اقتباس
زيارة الصفحة الرئيسية
