طلب خاص من كل الاعضاء

لحن الحياةلحن الحياة عضو نشيط
تحياتي لكل الاعضاء الكرام...بتمنى مساعدتكم بموضوع حابة يكون مشروعي الخاص للتخرج...فكرة الموضوع استوحيتها من ندوة حضرتها تحت عنوان :( الاستخدام المزدوج للادوية)...الندوة حكت عن ادوية ذات استخدامات مختلفة...هي الادوية كانت تستعمل في البداية لغرض معين ....بس بعدين تبين انها ممكن تستخدم لاغراض اخرى...مثلا المينوكسيديل استخدم بالبداية للضغط ...وحاليا يستخدم لعلاج الصلع..
بتمنى من اي عضو بيعرف معلومة عن هالموضوع وخصوصا المعلومات والدراسات الحديثة انو يفيدني فيها وانو يعطيني(راس الخيط) متل مابيقولو..وانا اكيد رح ابحث بالاليات و تفاصيل الموضوع..
بتمنى كمان تزويدي بمواقع لمجلات علمية بتهتم بالدراسات والابحاث الجديدة ..
بشكركم سلفا وبعرف انكم ما بتقصرو وبشكر د.حازم يلي شجعني اطرح الموضوع بالمنتدى...
بانتظار تفاعلكم..

التعليقات

  • Dr.AhmadDr.Ahmad مدير عام
    تم تعديل 2010/11/01
    اهلا فيكي لحن الحياة فكرة حلوة لكن كبيرة و بتصور أنو كتب الأدوية فيها كتير هيك مواضيع مع شرح كل دواء بيحطوا استخدامات الدواء

    مثل:
    حاصرات بيتا : تستخدم لعلاج قصور القلب الاحتقاني و لتدبير المخاض المبكر.
    الانسولين : خافض لسكر الدم لعلاج الداء السكري المعتمد على الانسولين و لكن يمكن استخدامه لتدبير فرط البوتاسيوم في الدم باعطاءه مع سكر بمقدار مماثل لتأثيره على سكر الجسم.
    حمض الفوليك ( فيتامين B9 ): يعطي في علاج فقر الدم مع فيتامين B12 و يعطي للحوامل لمنع حدوث تشوهات الانبوب العصبي عند الأجنة
    فيتامين B12 : يعطي لعلاج فقر الدم أيضا و علاج التهاب الأعصاب

    و الامثلة كثيرة ما بعرف اذا هالشي اللي بدك ياه

    و في مواقع علمية مفيدة مثل

    www.pubmed.com و هذا محرك بحث للدراسات

    و في هدول الموقعين من بعضن
    http://www.cochrane.org/
    http://www.thecochranelibrary.com/view/0/index.html

    التاني في محرك بحث لكل الدراسات الــ evidance تقريبا

    في مواقع علمية تانية بس هدول بتصوري الافضل و من ناحية تانية انتي بدك عن الأدوية يعني الدراسات بتفيدك أكتر من الدراسات النصية التانية


    بتمنى يكون ردي مفيد ... تقبلي مروري
  • dr.Hazemdr.Hazem مدير عام
    تم تعديل 2010/11/02
    رح حاول إعصر كل شي عندي بالكمبيوتر و منشوف إن شاء الله خير ...
    في كمان السلفون يوريا و تاثير المضاد الحيوي و هي بالأصل خافضة للسكر ..
  • صيدولةصيدولة عضو ذهبي
    تم تعديل 2010/11/02
    موفقة بمشروعك لحن الحياة وباين من العنوان انو موضوع مهم ( وشكرا للدكتور حازم اللي شجعك وبالتالي انا عرفت مين انتي .... )
    ياجماعة توصو بلحن الحياة اللي هي من اعز صديقاتي ....
    وانا من جهتي بحاول ساعد قد ما بقدر....
  • لحن الحياةلحن الحياة عضو نشيط
    تم تعديل 2010/11/02
    شكرا صيدولة لمرورك ..اكشفتيني
    شكرا د.حازم واكيد ما بتقصر
    شكرا د.احمد للمعلومات وللروابط...اكيد متل ما قلت الموضوع كتير كبير وعام واكيد انا ما رح احكي عن كل الادوية بس انا حابة ركز قدر الامكان عالاستخدامات الجديدة والمكتشفة حديثا ...
    شكرا للجميع ..فرحت كتير بتجاوبكم..