كيف اتعامل مع الروشيته
1-قراءة الروشته ككل لاستنباط الحاله
وهادا طبعا يخليك تعمل تشخيص سريع للحاله وبالتالي يساعدك في ان تعرف نوع الدواء اللي مكتوب
2- قراءه تخصص الطبيب
لانه من الحاجات المهمة التي تساعدك ايضا في التشخيص
3-معرفه عمر المريض ولو حتى بالتقريب
وفي بعض الاحيان بيكون عمر المريض مكتوب في الروشته اما لو مكنش مكتوب فمن حقك ان تسال الشخص يلي جايبلك الروشته عن عمر المريض من اجل ان تعرف هل التركيزات المكتوبه تناسب المريض ولا لا
4-قراءه اسم المريض لمعرفة هل هو ذكر ام انثى
5-قراءة تركيز الدواء المكتوب قراءة جيده
وللاسف ممكن الصيدلي يعرف يقرا الروشته مظبوط ويطلع الدوا المكتوب لكن يطلع تركيز تاني غير التركيز المطلوب
يعني مثلا مكتوب مضاد حيوي معين تركيزة 1 gm يقوم الصيدلي ما ياخد باله ويطلع نفس المضاد الحيوي
ولكن بتركيز 250 mg وطبعا هيكون الدوا هنا ملوش أي تاثير .. اما لو العكس فممكن يعرض المريض لاضرار جانيه نتيجه الجرعه الزياده
6--قراءه الجرعه المحدده من الطبيب والشكل الدوائى (اقراص -شراب
الخ)
وطبعا بنلاقي بعض الدكاترة بيكتبوا اسم الدوا بخط جيد لكن للاسف الشديد بنلاقي جرعة الدوا والشكل الدوائي عبارة عن شخابيط !!
وطبعا لازم تستفسر من المريض عشان تعرف تحل الالغاز اللي موجودة في الروشته لان شكوي المريض مهمة جدا
7- الاستعانه بالصيادلة الموجودين معاك في الصيدليه والاكبر منك سنا وخبرة للاستفسار عن شغلة معينة مش واضحه في الروشته
8- الاتصال بالطبيب فى حاله عدم التوصل لاسم الدواء :
وهاد طبعا الحل الاخير لو خلاص الروشته مش عارف تتصرف معاها
9-وفي حال الدواء غير متوفر في الاسواق وعندك له بديل فيفضل الاتصال بالطبيب واطلاعه عليه واخذ موافقته
التعليقات
بس حابب نبه لشغلة كتير مهمة انو في ما لو كان خط الطبيب غير واضح ( للأسف الغالبية هيك ) و صرف الصيدلي دواء خاطئ بناء على قرائته فالمسؤولية القانونية كاملة ع الصيدلي و لا يتحمل الطبيب ادنى مسؤولية
و تانياً : فعلاً شي غريب انو الطبيب لايتحمل المسؤولية اذا كان خطو رديء يعني كيف هيك
أنا بشوف انو الحق كلو عالدكتور و لتفادي هالشي لازم يكون في جهاز خاص بيطبع الوصفة طباعة.....
فعلا مشكلة خط الدكاترة ,مابعرف ليش بيعتبروا شطارة وقت بخربشوا ؟؟
انا شخصيا بأيد الدكتور علي انو تكون الوصفة مطبوعة طباعة ,وعفكرة في كتير مستشفيات متبعين هل الطريقة ,
اريح وائمن
وأحيانا هناك في الوصفة أدوة تتعارض فيما بينها وهناك من لها عمل تآذري يكون خطر على المريض أحيانا
مشكورين ع التعليق للأمانة العلمية انا برأيي ان الصيدلي لازم عن جد يكون مفتح قلبو وعقلو قبل عيونوما منقدر نحط الحق على خط الطبيب دايما
نحن كصيادلة اي اشكال يعترضنا بالوصفة لازم نحكي مع الطبيب اقتراح كتير حلو انو ينكتب التشخيص بس معلومكم يا دكاترة انه في بعض المرضى بيتفصحنوا وبيقروا كم معلومة مشان يناقشوا الطبيب أو الصيدلي بها .
بتذكر لما كنت بالريف جاري الدكتور الله يسامحو بيكتب اول نص حرف و محسوبتكم هلكتوا اتصالات:
دكتور اسفة ع الازعاج بس الوصفة الفلانية ما فهمتها(وهو مقروق بيجاوب ) شو يا دكتورة يبدو ما عندك خبرة يقول اللي بدو يقولو المهم عندي مصلحة المريض و هيك شوي شوي بلش يحسن خطو وان كمان بلشت اتعود على طريقته بكتابة الاحرف .
يا جماعة هي امانة ربي حملنا ياها و برايي اما نقوم بها على احسن ما يكون او ما بدنا هالشغلة كلها .
مو عيب نقول ما عرفت الدوا لان نصف العلم لا أعلم .
و انا مع صيدولة انو تكون الوصفة مطبوعة و كمان من ناحية انو يكون التشخيص مكتوب
لكن المشكلة الاساسية انو كثير من شهادات الصيدلة تؤجر و عند هدول الناس بتكون المشكلة اما الدراسين فنسبة الخطأ شبه معدومة مقارنة بالعاملين بالصيدلة دون دراسة
اولا انا مع انه تكون الوصفة مطبوعة حتى الجرعات ووقت اخذها لازم كلها تكون مكتوبة ولا نترك هذا للصيدلي يعني هذه وجهة نظري لأن الطبيب اعلم بحالة المريض
مرة انا كتبت جرعة لطفل و كانت جرعة زايدة على المعتاد ولكن كانت هناك ظروف استدعت ذلك ’الصيدلي انتقدني وقال انني لااعرف تخيلو امام أب المريض تخيلو لما يفقد المريض او اهله الثقة في الطبيب ورجع الاب وكانت طريقة كلامه فيها استفزاز ولكن شرحت له السبب والدواعي والحمد لله اقتنع
امر ثاني ليس في الصيدلية الصيادلة فقط وللأسف هناك تجار يبيعون الدواء وليس لهم صلة بالعلوم الطبية ومنهم من يتكابر و يظن انه يعرف كل شئ ويأخذ مسؤولية في التغيير وكانو سبب في حوادث عدة عندنا لست اعلم ان كان ذات الامر عندكم.
من أجل كتابة التشخيص على الوصفة التشخيص يعتبر من الاسرار المهنية ليس على الصيدلي لا بالعكس لازم يعرف حتى يتمكن من مساعدة المريض ولكن الوصفة لا يقرأها الا الصيدلي اضن وصلت فكرتي
ولكن انا مع انه يكون هناك اتصال وتقارب بين الصيدلي والطبيب من أجل مصلحة المريض وجل من لا يخطئ
الموضوع لازم له مناقشة واسعة فعلا موضوع جد مهم.
انا صراحة ضد الذين يعملون في الصيدلية وليسو من الميدان وكما يقال يفعل الجاهل بأمته ما لا يفعله العدو بعدوه
لازم يكون وعي كبير في هذا المجال لكل من الأطباء والصيادلة فاعطاء الدواء ليس بالأمر السهل فالدواء سلاح ذو حدين مثلما هو وسيلة للشفاء فقد يكون وسيلة تؤدي الى اخطار وحتى الموت.
بالمقابل أنا مع حازم بكلامه عن الأخطاء القاتلة
أما بالنسبة للجرعات فاللطبيب له رأي في ذلك فمثلا جاءتني وصفة لطفل عمره 9سنوات فيها أوغمنتين 1000 وبعد الاتصال بالطبيب تبين أن المريض خارج من عملية مرارة ويحتاج لهذا العيار وصرفته للمريض ولكن تابعت حالة الولد عن بعد والحمد لله تماثل للشفاء
حكيم نهاد بالنسبة للجرعات في كتير أمراض تعالج بجرعة وحيدة و تكون عالية جدا و هذا شي علمي و موثق تماما مثلا أقرب مثال كنت قريتو من فترة علاج التريكوموناس بجرعة فموية وحيدة من المترونيدازول 2000 مغ
فعلا العمل بالمشافي في اي قسم كان من اروع الخبرات التي نستطيع الحصول عليها كصيادلة حتى بتخلينا بعد فترة موكتير طويلة نقدر نميز الاخطاء و سبب كتابة جرعات كبيرة مثلا بس نصيحتي لكم اخواني لازم نسأل دايما وما نكتفي بالتخمين حتى لو قالو عنا في البداية غشما(عدم المؤاخذة) بس مع الوقت بيصير الواحد بروفشنال و بيقدر يربط العلم الجامعي بالممارسة العملية و هادا قمة العلم .
كمان لازم ندعم المعرفة العملية بالقراءة حتى من خارج مقرراتنا .يعني مثلا لفت نظري مثال الميترونيدازول بالجرعة الكبيرة وياريت نقدر نعرف بأي حالة منقدر نصرف هيك عيار .
مين الشاطر اللي رح يجاوبني ؟؟؟
التهاب المهبل بالتريكوموناس Trichomonas Vaginalis Vaginitis ممكن نعالجو بحالتين ... الاولى جرعة وحيدة فموية 2000 مغ و التانية 250 ملغ 3 مرات باليوم لمدة سبعة أيام ....... طبعا اكيد كل طريقة و الها فوائد
لكن هناك حالات التهابات الامعاء ........ لانو الاستخدام الاشيع للمترونيدازول هو كمطهر معوي ...... صح و لا خطأ ؟؟
و الجرعة اكيد تعتمد في الاساس على وزن المريض.
الموضوع فعلا غاية في الأهمية وخاصة إنو ممكن يصرف الصيدلاني دواء خاطئ بسبب سوء الخط
وبسبب اعتماد الأطباء على الاختصارات في كتابة الأدوية
بعتقد إنو صار لازم للصيادلة إجراء دورات لقراءة الخط السيء ههههههههه......