حقائق حمصية

Ph.SamaPh.Sama مشرفة منتدى تطوير الذات و NLP
تم تعديل 2012/04/21 في نشاطات و ترفيه
حقائق فقط في حمص

حقيقة علمية لكل من له بيت في حمص الطالع مقنوص و القاعد مقصوف ... يا نيالك !!

حقيقة علمية ممنوع عبور الشوارع و الأوتوسترادت الرئيسية لدواعي قنصية بحتة!!

تم إثبات النظرية العربية القديمة أن العرب لا يغادرون بيوتهم إلا إلى قبورهم و ذلك بالتجربة و البرهان لكل من كبر راسو و ضل ببيتو بس هلأ ما فينا نقول غير الله يرحمو

حقيقة علمية المي و الكهربا و التلفون كماليات بحتة ...فإذا كنت مواطن حمصي و عندك مي أو كهربا أو تلفون فأنت إنسان محظوظ جدا ...يعني إتحمد الله على الهوا يلي عم تتنفسو

حقيقة جديدة التغطية و الانترنت هي حلم بعيد المنال بس ممكن تستمتع فيها شي ساعة كل شهرين!!

فقط في حمص شوفير التكسي يطلب من مكتب تكسي و بيسألك لوين رايح و بيشارطك ع الأجرة طبعا إذا عجبوا المشوار و إسترجي إفتح تمك بهمسة لأنو أنت الخسران ما هوي؟؟؟

فقط في حمص جرة الغاز مو بس للغاز لأ و للحمام كمان ما شا الله ٢ بواحد غاز و مي!!!

فقط في حمص مازوت لا يوجد يعني ما في صوبيا و كهربا هات إيدك و الحقني يعني مافي دفاية... باختصار جبلك شي بدلة من بتاع الاسكيمو أو اطلع ع افريقيا ...

فقط في حمص الزبالة من مسؤولية المواطنين ... يعني بيستأجروا سيارات و عمال ع حسابن ليفضوا الحاويات و بوشن ع المكب ... يا هيك الديمقراطية يا بلاااا !!!!

فقط في حمص إحضار ربطة خبز عبارة عن عملية فدائية تحتاج إلى صبر أيوب و أحلى شي بعد ما يخلص طابور الكيلومتر قدامك يعطل الفرن أو ينفق من الخبز وقتها يا سعدك و هناك بوشك ع طابور الفرن يلي بعدو!!!!

فقط في حمص البيت يلي مساحتو ١٠٠ متر بيساع ١٠٠ بني آدم من مختلف الأعمار و الأحجام بتعرفوا بيت الضيق بيساع ألف صديق!!!!

فقط في حمص من الغريب أن تجد عائلة تسكن بيتها الأصلي عنجد شغلة عجيبة و لا تصدق يعني من الحالات النادرة جدا جدا !!!!!!!!!!!!!

فقط في حمص في حارات خالية تماماً لأنو أهلها غاويين شنشطة من دار لدار و من بلد لبلد ... شي شبه السياحة يعني !!!!!

فقط في حمص لا مواصلات لا أعمال لا وظائف لا مدارس لا جامعات لا أسواق بس الحياة مستمرة كيف لا تسألوني هيك عم اسمع من التلفزيون ؟!!!!!

حقيقة هامة جدا للسوريين عمرك ما تعزم حمصي ع شي لأن ادفشوا و شوف ما أحمصوا حاكم نحنا الحمصية ع طول بدنا الأولية

تحية عظيمة لكل الحماصنة يلي أنا منن .... ترى لا تصدقوا عم نمزح ... ههههه
:901:901:901



التعليقات

  • dr.Alidr.Ali مدير عام
    تم تعديل 2012/04/16
    "ولنبلونكم بشيء من الخوف و الجوع و نقص من الأموال و الأنفس و الثمرات و بشر الصابرين * الذين إذا أصابتهم مصيبة قالوا إنا لله و إنا إليه راجعون "
    إنا لله و إنا إليه راجعون ... اللهم أجرنا في مصيبتنا و أخلف لنا خيراً منها
  • Dr.AhmadDr.Ahmad مدير عام
    تم تعديل 2012/04/16
    سبحان الله حتى نكت أهل حمص تغيرت *_^

    بتفرج باذن الله ...

    آمين حكيم علي
  • وجيهةوجيهة مشرفة منتدى تربية الأطفال
    تم تعديل 2012/04/16
    حسبى الله ونعم الوكيل.....
  • Ph.SamaPh.Sama مشرفة منتدى تطوير الذات و NLP
    تم تعديل 2012/04/16
    مشكورين كتير د. أحمد د.علي و وجيهة ... مو بس النكت يلي تغيرت ... حمص كلها تغيرت .. و الحكي ما متل الشوف ع قولة المتل ... الله يفرج ... نحنا صابرين و ناطرين الفرج من الله ... ما حدا ممكن يتخيل الوضع عنا أبداً
  • Dr.AhmadDr.Ahmad مدير عام
    تم تعديل 2012/04/17
    بعرف أختي بعرف ... بتفرج ان شاء الله
  • suzysuzy عضو ذهبي
    تم تعديل 2012/04/21
    يا رب تفرج عن قريب و ترجع حمص أحسن من الأول
  • وجيهةوجيهة مشرفة منتدى تربية الأطفال
    تم تعديل 2012/04/21
    يارب..........
    الله يفرجها ويخفف عليكم