نريد !!

[وجيهة]

بسم الله الرحمن الرحيم

السلام عليكم ورحمة الله وبركاتة

اعزائي مُدَرَآء المنتدى .. اريد اقسام جديد ...

1- نريد قسم للطبخ .

2- وقسم للتصوير الضوئي .

اتمنى الموافقة ...


ولكم جزيل الشكر

وجيهة ..

[ميرة]

مشكووورة عزيزتي على الاقتراح ..
أنا اقترحت من فترة قسم أخبار عامة ..وما حدا شجعني عليه بالعيادة
أما قسم الطبخ يمكن صعب شوي يكون منفصل ..ما بعرف شو رأي الإدارة ؟؟
بس ممكن نعمل منتدى عائلي :
يضم قسم تربية أطفال ..
تغذية أطفال ..
أُسرياات ..
تغذية وطبخ ووجبات صحية ..
؟؟؟؟ شو رأيكم

[Dr.Ahmad]

اي ما تكرموا ... بس صدمتوني بالطلب بصراحة ..

هلئ منتدى طبخ !!! ما بعرف كيف رح يكون بس بتصور ضمن اقتراح ميرة بيكون افضل بكتير ... منساوي قسم متل " الساحة العامة " أو " العلوم الطبية السريرية " ... و بداخل هالقسم منتديات فرعية عن اللي بدكن ياه ... طبعا ضمن النطاق الطبي و لو الواسع جدا .... متل يكون اسم المنتدى " طبخ صحي " ... لأن بصراحة يمكن خربط بالمنتدى لو صار فيه قسم " طبخ " ..!!

مشان قسم التصوير الضوئي ... ما بعرف بالضبط شو قصدك فيه ... لكن غير منتدى مكتبة الصور و التصميم !!!

ميرة مشان قسم الاخبار العامة ... يمكن هالفترة الاخبار كلها عامة و ما بدي بصراحة يدخل المنتدى بمتاهات مؤذية النا ...

[حكيم]

أنا أعترض ... نجنا شو منستفيد أنتو (قصدي أنتن) بتطبخوا وبتاكلوا ونحنا منضل عم نتفرج شم ولا تدوق .لأ ما بدي
على كل فكرة الطبخ الصحي ظريفة بس ما بتوقع في داعي نحطها لحالها هي منتدى التغذية والطب البديل بيأدي نفس المهمة وفيكن تحطوا طبخاتكن هنيك ,مشان القسم عائلي ميرة فكرة جديدة وحلوة بس ما بعرف إذا رح تلاقيلها جمهور من يلي بيفوتوا عالعيادة أو حتى من الأعضاء لأنو الغالبية عزابية ذوو توجه طبي بحت..... بالمناسبة شو الرابط بين العلوم الطبية السريرية والطبخ؟!!

[ميرة]

هههههههههههههههههه
كل شي إلا تخربط بالمنتدى د أحمد ..
بلا الطبخ والأخبار كرمالك ..
أنا قصدي بالأخبار العامة أخبار منوعة طريفة بس الأكيد مو سياسية فعلاً لأن مكانها مو هون ..
حكيم ..قلنالك بطل عزابي وروح لاقي بنت الحلال بتطعميك على كل ضرس لووون ..وبتستفيد من وصفاتنا..

[Dr.Ahmad]

بتصدقوا أنو أوقات بفكر افتح منتدى اجتماعي على قد ما بشوف طلبات غريبة ^_^ ...

بكل حال من باب الديمقراطية و حرية التعبير ^_* ... و أنا بعكسك حكيم بتصور انو منتدى بيضم وصفات صحية أو طرق تحضير صحية او منتدى اسري صحي ... أمر جدا حضاري و جديد و أنا أؤيد بشدة ... لكن النقطة الأهم مين مستعد يدعم هالقسم بالمعلومات !! اكيد ما حدا بالادراة و لا حتى حكيم لأنو كلنا نفس الشي ^_^ عزابية ^_^ و أكتر طبخة منعرف نساويها هي الاندومي *______*

و قلت مشان ما تكون المنتديات مفرقة بتنجمع ضمن قسم اطار كبير واحد ... شوفولي تصور لشكل هالقسم .. شو المنتديات اللي ممكن تكون فيه سواء جديدة أو من الموجودة حاليا و ردولي خبر

[ميرة]

هلئ أكيد القسم بيكون باستراحة العيادة تحت اسم أُسريات ..؟؟ مثلاً
ويحوي أقسام فرعية :
أسرار حواء ( كل ما يهم حواء .. جمال ..أناقة )
شبابيات (كل ما يهم آدم ..)
أطفالنا (تربية الأطفال القسم الموجود بالمنتدى ينقل لهذا القسم ..
تربية ..تغذية .. أناقة ..)
ركن التغذية ( وصفات صحية وحميات غذائية )
ما بعرف شو رأيكووون ..؟؟
هاد تصوري المبدأي للقسم ..

وبرجع بقترح إضافة قسم أخبار منوعة وغريبة وأكيد غير سياسية
كمان بقسم الاستراحة
لأن في كتير أخبار نهفة وغريبة..طبية أو عامة .. بتستاهل نوقف عندها

[Dr.Ahmad]

الفكرة جيدة ميرة ... بس انا كمان بانتظار صاحبة الفكرة الأساسية !! وينك وجيهة ؟

[وجيهة]

اول شي شكرا كتير للتأيد ع الفكرة .....

تاني شي انا و ميرة بنعدم المنتدى بالمعلومات ولا شو ميرة ؟!! ما بتساعديني !!

تالتا بشوف انو نفتح قسم جديد متل ما اقترحتو و نسمي
قسم الاسرة و المجتمع :

ويكون القسم بيشمل

1_منتدى الحمل والولادة مابعرف اذا بيصير نقسم منتدى التوليد والامراض النسائية لقسمين نخلي قسم الامراض النسائية بمكانها وقسم التوليد بنضمن هي المجوعه ..
2_منتدى تربية الأطفال .....

3_منتدى الصحة العامة والطب الوقائي
4_منتدى وصفات طبيعية (للجمال)بيشمل العناية بالشعر والبشرة ...الخ.. جديد
4_منتدى التغذية والطب البديل ....
5_منتدى طبخ الصحي ..... جديد

6_منتدى تطوير الذات
7_منتدى اجتماعي بيشمل مشاكل الاعضاء وحلول واخبار .... جديد


....................................

[Dr.Ahmad]

تفصيل مشاركتك وجيهة بيريح كتير لكن حابب اعرض شوية تعديلات ..

- قسم التوليد و الامراض النسائية هاد قسم اختصاصي و ممكن نستبدلو بقسم " نصائح للحوامل و المرضعات " ... او لاقي اسم مناسب تاني بعيد عن لب الاختصاص الطبي البحت
- قسم التغذية و الطب البديل لازم ناخد رأي " نهاد " فيه لأنو هو المشرف ..

عدا ذلك الامور تمام